«Načnych vaŭkoŭ» u Prazie sustreli krymskatatarskimi ściahami
U Prazie adbylisia pikiety suprać prybyćcia ŭ Čechiju bajkieraŭ z adyjoznaha rasijskaha kłuba «Načnyja vaŭki». Jak paviedamlaje infarmacyjny resurs newsonline24, rasijan sustreli raściažkaj «Čecham dobra viadoma, jakaja jana — «družba» ŭładaroŭ Rasii».
Napiaredadni ŭłady stalicy Čechii zabaranili rasijskim bajkieram prajezd u centry horadu, adnak na Vacłaŭskaj płoščy 30 aktyvistaŭ vyjšli z raściažkaj i ściahami, siarod jakich byli krymskatatarski ściah i aficyjnyja ściahi Ukrainy, Čechii, NATO i Jeŭrasajuza. Taksama ŭdzielniki akcyi razdavali minakam ulotki ź infarmacyjaj pra toje, što «Načnyja vaŭki» padtrymlivajuć anieksiju Krymu Rasijaj, a sam kłub finansujecca z rasijskaha biudžetu.
Paviedamlajecca, što svaje mierapryjemstvy rasijanie praviali na Alšanskich mohiłkach.
Užo niekalki hadoŭ zapar napiaredadni 9 traŭnia «Načnyja vaŭki» pravodziać prapahandysckija prabiehi «Na Bierlin» pa krainach uschodniaj Jeŭropy. Ułady hetych krain imknucca nie prapuskać ich na svaju terytoryju abo abmiažoŭvajuć dziejańni prakramloŭskich bajkieraŭ.
