Raŭkoŭ: Biełaruskaja armija asnaščajecca pa lepšych suśvietnych standartach
Biełaruskaja armija asnaščajecca pa lepšych suśvietnych standartach. Pra heta siońnia zajaviŭ ministr abarony Andrej Raŭkoŭ na ŭračystym schodzie ŭ Pałacy Respubliki, pryśviečanym Dniu Pieramohi.
Biełaruś pravodzić mirnuju šmatviektarnuju palityku. «Adnačasova kraina prymaje miery dla svajoj vajennaj biaśpieki, praciahvajecca raźvićcio Uzbrojenych Sił, inšych vojskaŭ i voinskich farmiravańniaŭ. Biełaruskaje vojska asnaščajecca pa lepšych suśvietnych standartach. Važki ŭkład u hety praces ŭnosiać pradpryjemstvy ajčynnaha vajenna-pramysłovaha kompleksu, jaki zdolny vyrablać najbolš pierśpiektyŭnyja ŭzbrajeńni, u tym liku rakietnyja», - adznačyŭ Andrej Raŭkoŭ.
Biełaruś paśladoŭna umacoŭvaje vajennaje supracoŭnictva z krainami ADKB, paśpiachova funkcyjanuje rehijanalnaja hrupoŭka vojskaŭ Biełarusi i Rasii. Sumiesnyja bujnamaštabnyja vučeńni Uzbrojenych Sił dźviuch braterskich krain demanstrujuć zładžanaść orhanaŭ vajennaha kiravańnia, vysokuju vyvučku vojskaŭ. U vieraśni hetaha hoda projduć biełaruska-rasijskija vučeńni «Zachad-2017», nakiravanyja na harantavańnie vajennaj biaśpieki Sajuznaj dziaržavy.
Ministr źviarnuŭ uvahu, što ŭ Biełarusi pieršaradnaja ŭvaha nadajecca patryjatyčnamu vychavańniu. «Mienavita tamu ŭ Biełarusi nikoli i nikomu nie ŭdasca dabicca pierahladu historyi Vialikaj Ajčynnaj vajny, suśvietnaha humanistyčnaha značeńnia Vialikaj Pieramohi, na ałtar jakoj pakładzieny miljony žyćciaŭ, u tym liku i našych suajčyńnikaŭ», - padkreśliŭ Andrej Ravkoŭ.
