Baraćbu za dom pradzieda ŭ Davyd-Haradku minčanka prajhrała. Abjekt źnieśli
Dom źnieśli, a na jaho miescy ŭžo robiać aŭtamabilnuju stajanku.
Jak paviedamili Miedyja-Paleśsiu ŭ Davyd-Haradockim harsaviecie, budaŭnictva stajanki pad transpart dla siaredniaj škoły i dziciačaha sada z ramontam vulicy i rekanstrukcyjaj brackaj mahiły, raźmieščanaj praz darohu ad novaj stajanki, zapłanavany ŭ ramkach padrychtoŭki da abłasnoha śviata rabotnikaŭ vioski.
Baraćbu za dvuchpaviarchovy dom z 2016 hoda viała Nadzieja Turoŭskaja. Jana — praŭnučka Siamiona Kułahi, jaki pabudavaŭ hety dom dla svajoj siamji ŭ 1936 hodzie. U 1939 hodzie z prychodam savieckaj ułady dvuchpaviarchovy dom zabrali, siamji dazvolili žyć u dvuch jaho pakojach u jakaści kvatarantaŭ. Paśla vajny dom byŭ administracyjnym budynkam. U apošnija hady jaho vykarystoŭvali ŭ jakaści haścinicy, dzie było kala dziesiaci numaroŭ. Dom znachodziŭsia na bałansie Stolinskaha ŽKH.
Kali miascovyja ŭłady pryniali rašeńnie ab znosie doma, Nadzieja Turoŭskaja prapanavała vykupić dom abo zdać joj jaho ŭ arendu. Kudy tolki nie źviartałasia žančyna, kab dom nie znosili. Jana napisała listy sa zvarotami ŭ roznyja instancyi, a kali 11 žniŭnia ŭbačyła, što pracoŭnyja pačali zdymać z doma vahonku, to raspaviała pra heta ŭ ŚMI. Adnak usie namahańni Nadziei Turaŭskaj apynulisia daremnyja. Dom źnieśli.
