U rasijskim Chabaraŭsku napali na pryjomnuju FSB, jość zahinułyja
Supracoŭnik FSB i adzin naviedvalnik zahinuli pry napadzie na pryjomnuju UFSB RF pa Chabaraŭskim krai, paviedamlaje Centr hramadskich suviaziaŭ FSB Rasii.
Pa źviestkach viedamstva, incydent adbyŭsia 21 krasavika ŭ 17:02 pa miascovym časie (10:02 pa Minsku). Nieviadomy stupiŭ u pakoj i, «nie pierasiakajučy ŭstalavanuju zonu techničnaha kantrolu, pačaŭ stralać pa ludziach, što znachodzilisia ŭ pryjomnaj».
«Zahinuŭ supracoŭnik FSB Rasii i adzin z dvuch naviedvalnikaŭ - hramadzianin krainy SND, druhi paranieny. Napadnik zastreleny», - paviedamiła pres-słužba. Na miescy zdareńnia pravodziacca apieratyŭna-śledčyja mierapryjemstvy.
***
Asoba napadnika ŭstanoŭlena. Pavodle papiarednich dadzienych, paviedamiŭ Centr hramadskich suviaziaŭ FSB, jon naležaŭ da adnoj ź nieanacysckich hrupovak.
«Heta uradženiec i žychar Chabaraŭskaha kraja Konieŭ A.V. 1999 hoda naradžeńnia», — paviedamili ŭ CHS.
Viersii matyvaŭ napadu ŭ FSB pakul vyłučać nie stali.