Cieła taksista znajšli pad Brestam u mielijaracyjnym kanale
Pablizu vioski Družba Bresckaha rajona ŭ mielijaracyjnym kanale 20 krasavika znojdziena cieła 35-hadovaha mužčyny. Zaviedziena kryminalnaja sprava. Pra heta paviedamiła aficyjny pradstaŭnik USK pa Bresckaj vobłaści Maryna Drańkova.
Cieła mužčyny z prykmietami śmierci kryminalnaha charaktaru vyjavili kala 13.00. Pavodle infarmacyi śledčych, jon pracavaŭ taksistam jak indyvidualny pradprymalnik, pražyvaŭ u abłasnym centry.
Zaviedziena kryminalnaja sprava pa č. 1 art. 139 (Zabojstva) Kryminalnaha kodeksa Respubliki Biełaruś.
- Zaraz ustanaŭlivajucca akaličnaści, matyŭ i asoba padazravanaha ŭ ździajśnieńni supraćpraŭnych dziejańniaŭ. Dla vyznačeńnia dakładnaj pryčyny, jakaja pryviała da hibieli mužčyny, pryznačana sudova-miedycynskaja ekśpiertyza. Pry sabie ŭ jaho dakumientaŭ, a taksama kaštoŭnych rečaŭ nie znojdziena. Aŭtamabil Opel Omega sierabrystaha koleru, typ kuzava «siedan», rehistracyjny znak 1TACh2132 abo 7073 AS-1 abvieščany ŭ vyšuk, - raspaviali ŭ Śledčym kamitecie.