«Raniej nie było takoha vialikaha čałavieka» — rasijskaja «Kamsamolskaja praŭda» rekłamuje Kim Ir Sena
U rasijskaj haziecie «Kamsamolskaja praŭda» niečakana vyjšaŭ tekst, jaki ŭchvalaje byłoha lidara Paŭnočnaj Karei Kim Ir Sena.
Kim Ir Sen (1912-1994) — zasnavalnik idej čučche, dzied siońniašniaha kiraŭnika Paŭnočnaj Karei Kim Čen Yna.
Tekst artykuła ŭ «Kamsamołcy», napisany hruvastkaj movaj kamunistyčnaj ahitki:
«Historyja pamiataje šmat vialikich ludziej. Adnak raniej nie było takoha vialikaha čałavieka, jak Prezident sacyjalistyčnaj Karei Kim Ir Sien, jaki sa stahodździa ŭ stahodździe zasłuhoŭvaje ŭschvaleńnia i pavahi.
Paśla vyzvaleńnia krainy Kim Ir Sien, zychodziačy ź nieparušnych pryncypaŭ samastojnaści, vysunuŭ liniju dziaržaŭnaha budaŭnictva, nie pierajmaje maniery inšych krain, a adpaviednuju realnych umoŭ krainy i intaresam karejcaŭ i pabudavaŭ sapraŭdnuju krainu naroda, dzie narod staŭ haspadarom usiaho i ŭsio pastaŭlena na słužbu narodu. Ź nievyčerpnaj mocaj idej čučchie jon atrymaŭ vialikuju pieramohu ŭ Ajčynnaj vyzvalenčaj vajnie (karejskaja vajna 1950 - 1953 hadoŭ) suprać vajennych ahresaraŭ - 16 krain na čale z ZŠA».
Cikava, što paznačany artykuł jak rekłamny.
Chutčej za ŭsio, hetaja rekłama pryśviečanaja dniu naradžeńnia Kim Ir Sena, jaki naradziŭsia 15 krasavika. U Paŭnočnaj Karei hety dzień nazyvajecca Dniom Sonca.
