Pradstaŭniki MUS i Minpracy ŭpieršyniu buduć dziažuryć na haračaj linii dla achviar damašniaha hvałtu
Pradstaŭniki ministerstvaŭ unutranych spraŭ, pracy i sacyjalnaj abarony ŭpieršyniu voźmuć udzieł u rabocie ahulnanacyjanalnaj haračaj linii dla paciarpiełych ad damašniaha hvałtu 8-801-100-8-801. Pra heta paviedamiła na pres-kanfierencyi staršynia praŭleńnia mižnarodnaha hramadskaha abjadnańnia «Hiendarnyja pierśpiektyvy» Iryna Alchoŭka, pieradaje BIEŁTA.
Pradstaŭniki dvuch viedamstvaŭ buduć adkazvać na pytańni abanientaŭ pramoj linii 20 krasavika z 9.00 da 13.00 (dla abanientaŭ sietki stacyjanarnaj telefonnaj suviazi zvanok biaspłatny), adnačasova buduć dziažuryć na linii kansultanty hramadskaha abjadnańnia. Hetaje mierapryjemstva projdzie ŭ ramkach respublikanskaj akcyi «Dom biez hvałtu», jakaja startavała siońnia ŭ Biełarusi.
Iryna Alchoŭka vykazała nadzieju, što sumiesnyja haračyja linii stanuć tradycyjnymi.
Jana taksama raskazała ab vynikach apytańnia siarod žančyn, jakija paciarpieli ad damašniaha hvałtu, — u im pryniali ŭdzieł 52 klijentki, jakija źviarnulisia pa dapamohu na haračuju liniju 8-801-100-8-801, ź ich 11 žančyn pražyvali ŭ časovym prytułku arhanizacyi.
Jak pakazała apytańnie, u 13 pracentach vypadkaŭ partnior pačynaŭ prymianiać ahresiju jašče na pačatkovaj stadyi ramantyčnych adnosin, a ŭ 37 pracentach vypadkaŭ fakty hvałtu adznačalisia ŭ pieršy hod šlubu. Iryna Alchoŭka nazvała šakujučymi atrymanyja ŭ čas apytańnia danyja ab tym, što amal kožnaja druhaja žančyna, jakaja cierpić ad hvałtu z boku intymnaha partniora, źviedvała psichałahičnyja ataki ŭ pieryjad ciažarnaści. Kožnuju dziasiatuju žančynu partnior prymušaŭ da pałavych kantaktaŭ, niahledziačy na miedycynskija procipakazańni ŭstupleńnia ciažarnaj u intymnuju suviaź.
Zhodna z rezultatami apytańnia, u 35 pracentach vypadkaŭ achviary rabili adnu-dźvie sproby razarvać adnosiny, u 52 pracentach — sprabavali pajści try-piać i bolš razoŭ. Tolki 14 pracentaŭ žančyn nikoli nie sprabavali pakinuć ahresara. Analiz atrymanych danych u mnohim paćviardžaje suśvietnuju statystyku: žančyna robić u siarednim piać sprob pakinuć ahresara, pierš čym kančatkova parvać ź im, padkreśliła Iryna Alchoŭka. Siarod pryčyn, pa jakich žančyny viartalisia da ahresara, - ekanamičnaja i psichałahičnaja zaležnaść.
Ahulnanacyjanalnaja haračaja linija dla paciarpiełych ad damašniaha hvałtu 8-801-100-8-801 była adkryta 13 žniŭnia 2012 hoda na bazie MHA «Hiendarnyja pierśpiektyvy». Ciapier rabota haračaj linii padtrymlivajecca ŭ ramkach prajekta mižnarodnaj techničnaj dapamohi «Umacavańnie nacyjanalnaha patencyjału ŭ śfiery procidziejańnia hiendarnamu hvałtu (z akcentam na hvałt u siamji) u Respublicy Biełaruś» u partniorstvie z Fondam AAN u halinie narodanasielnictva (JUNFPA), MUS i Minpracy i sacabarony.
