U Italii žančyny atrymajuć «mienstrualny adpačynak»?
Italija nieŭzabavie moža stać pieršaj zachodniaj krainaj u jakoj žančyna zmoža atrymać «mienstrualny adpačynak».
U italjanskim parłamiencie abmiarkoŭvajuć zakonaprajekt, jaki abaviaža kampanii davać dadatkovyja try dni štomiesiac supracoŭnicam, jakija majuć balučyja adčuvańni padčas krytyčnych dzion.
Prychilniki zakonaprajekta pierakananyja, što padobnaje rašeńnie stvoryć bolš kamfortnuju atmaśfieru dla kalektyvu dy dla samich supracoŭnic. Adnak krytyki zaniepakojenyja tym, što ŭ vyniku jaho pryniaćcia pracadaŭcy, mahčyma, buduć bolš achvotna najmać mužčyn.
Padobnyja zakony ŭžo isnujuć u Japonii i Paŭdniovaj Karei. Niekalki pryvatnych kampanij u ZŠA, u tym liku Nike, taksama ŭviali «mienstrualnyja vychodnyja» dla svaich supracoŭnikaŭ.
«Krytyčnyja dni» usio jašče źjaŭlajucca zabaronienaj temaj dla šmatlikich pracadaŭcaŭ. Žančyny paprostu saromiejucca pryznacca kiraŭnictvu, što adčuvajuć mocny dyskamfort i bol padčas miesiačnych.