U Hrodnie vybrali eskiz pomnika lehiendarnamu pałkavodcu Davydu Haradzienskamu FOTA
U Hrodnie vybrali eskiz pomnika lehiendarnamu pałkavodcu i haradzienskamu starastu Davydu Haradzienskamu, paviedamili ŭ harvykankamie.
Konkurs eskiznych prajektaŭ pomnika Davydu Haradzienskamu, arhanizavany Hrodzienskim harvykankamam, pravodziŭsia z metaj pošuku najbolš vyraznaha vobraza pałkavodca i dziaržaŭnaha dziejača Vialikaha kniastva Litoŭskaha, starasty i kaštalana hrodzienskaj krepaści. Zychodziačy z taho, što nie zastałosia ni partretaŭ, ni jakich-niebudź inšych apisańniaŭ jaho źniešnaści, pa ŭmovach konkursu pomnik pavinien uvasablać vobraz voina toj epochi.
«Na konkurs było pradstaŭlena 13 rabot. Pieramožcu vybirała kamisija ŭ składzie 17 čałaviek. Kožny eskiz abmiarkoŭvaŭsia asobna», — adznačyli ŭ harvykankamie. Tam raskazali, što pieramožcam staŭ prajekt minčuka Siarhieja Ohanava. Paśla ŭzhadnieńnia z zamoŭcam — Hrodzienskaj jeparchijaj, dapracoŭki eskiza i jaho zaćviardžeńnia aŭtar prystupić da vyrabu pomnika. Raźmieścicca jon na skryžavańni vulic Zamkavaj i Davyda Haradzienskaha.
Davyd Haradzienski (kala 1283-1326), kaštalan haradzienski, vojenačalnik i dziaržaŭny dziejač VKŁ, viadomy tym, što nie paciarpieŭ ni adnaho paražeńnia ŭ bitvach z kryžakami. Pavodle adnoj ź lehiend, jon pachavany ŭ Hrodnie la muroŭ Kałožskaj carkvy.