Hiendyrektar MTZ: u sakaviku na pradpryjemstvie ŭ siarednim atrymlivali 950 rubloŭ
Siaredni sakavicki zarobak na MTZ skłaŭ 950 rubloŭ, raspavioŭ ahienctvu «Minsk-Naviny» hiendyrektar pradpryjemstva Fiodar Damacienka. Pry hetym apošnija dva miesiacy, pavodle jaho słoŭ, z pradpryjemstva nichto nie zvalniaŭsia.
— U 2016 hodzie my nie prosta pratrymalisia, ale i zmahli palepšyć stanovišča. Budziem imknucca da pavieličeńnia zarobku, bo pakazčyki zavoda dazvalajuć iści napierad, — udakładniŭ Fiodar Damacienka. Nahadajem, u pramysłovaści siaredniaja zarpłata ŭ lutym skłała 774,6 rubla (za sakavik dadzienyja jašče nie apublikavanyja).
Hiendyrektar pradpryjemstva taksama zakranuŭ temu zvalnieńniaŭ.
— De-fakta možna kanstatavać: užo dva miesiacy ŭ nas nichto nie zvalniaŭsia. Pavyšajem pradukcyjnaść pracy. U tym liku za košt sumiaščeńnia śpiecyjalnaściaŭ, što, darečy, nie zabaroniena zakanadaŭstvam. Zhodna z našym unutranym dakumientach, kali čałaviek zvolniŭsia abo pajšoŭ na piensiju, inšamu rabotniku nie zabaroniena prajavić inicyjatyvu i vykonvać pracoŭnyja abaviazki taho, chto syšoŭ. Pry hetym prybaŭka da zarpłaty moža dachodzić da 50%. Samaje cikavaje, ludzi nas u hetym padtrymlivajuć, - adznačyŭ Fiodar Damacienka.
