Biełaruś adkładaje padpisańnie Mytnaha kodeksu JEAES
Biełaruś pakul adkładaje padpisańnie Mytnaha kodeksu Jeŭrazijskaha ekanamičnaha sajuza. Na bryfinhu 6 krasavika načalnik upraŭleńnia infarmacyi — pres-sakratar MZS Dźmitryj Mirončyk nie nazvaŭ daty, kali naša kraina padpiša hety dakumient.
Astatnija krainy — čalcy JEAES padpisali Mytny kodeks na samicie ŭ śniežni 2016 hoda. Alaksandr Łukašenka na samit nie pajechaŭ i kodeks nie padpisaŭ.
U suviazi z hetym žurnalisty pacikavilisia ŭ Mirončyka, ci płanujecca padpisańnie Mytnaha kodeksu na samicie JEAES, jaki projdzie 14 krasavika ŭ Biškieku.
«U ciapierašni čas zavieršanaja praca pa analizie ŭsich dakumientaŭ, prapanavanych da padpisańnia ŭ śniežni 2016 hoda. Raźličvajem, što ŭ bližejšy čas adkrytych pytańniaŭ da nas nie zastaniecca», — adkazaŭ pradstaŭnik biełaruskaha MZS.