Pieršy hadžet u dziciaci pavinien źjavicca nie raniej za 6 hadoŭ — aftalmołah
Pieršy hadžet ŭ dziciaci pavinien źjavicca nie raniej za šeść hadoŭ. Pra heta paviedamiła žurnalistam hałoŭny pazaštatny dziciačy aftalmołah Ministerstva achovy zdaroŭja Biełarusi, prafiesar kafiedry aftalmałohii Biełaruskaj miedycynskaj akademii paśladypłomnaj adukacyi Viktoryja Krasilnikava.
«Najlepšy čas dla pieršaha hadžeta - heta šeść hadoŭ, u hetym uzroście jon idzie ŭ škołu», - skazała Viktoryja Krasilnikavaj. Da hetaha času zaviaršajecca pieršy etap farmiravańnia orhana zroku. Da troch hadoŭ adnaznačna ŭ małoha nie pavinna być telefonaŭ i płanšetaŭ. U lepšym vypadku dzicia moža abmiežavany čas hladzieć televizar.
Pry vybary hadžeta dla dziaciej aftalmołahi rekamiendujuć nabyvać płanšet ź vialikaj dyjahanallu, dzie malunki i litary buduć dastatkovaha pamieru. Dzieciam ad šaści da 12 hadoŭ karystacca takoj technikaj rekamiendujecca nie bolš za hadzinu. Pry hetym treba rabić pierapynki pa 15 chvilin, padčas jakich pažadana vydatkoŭvać čas na zaniatki, jakija nie niasuć nahruzki na vočy