Partyja BNF prapanuje Pałacie pradstaŭnikoŭ stvaryć kamisiju ŭ spravie hvałtu 25 sakavika
Partyja BNF prapanavała deputatam Pałaty pradstaŭnikoŭ inicyjavać stvareńnie parłamienckaj kamisii, kab vyśvietlić abstaviny sakavickich padziejaŭ.
4 krasavika staršynia Partyi BNF Alaksiej Janukievič i jahonyja namieśniki Ryhor Kastusioŭ, Volha Łahvinovič i Aleś Stralcoŭ pieradali imiannyja zvaroty ŭ Pałatu pradstaŭnikoŭ — ich atrymaje kožny sa 110 deputataŭ.
U dakumiencie adznačajecca, što siabry partyi, jak i mnohija hramadzianie Biełarusi, aburanyja adnaŭleńniem praktyki masavych zatrymańniaŭ, źbivańnia i aryštaŭ udzielnikaŭ mirnych akcyjaŭ pratestu. Źviartajecca ŭvaha i na aburalnyja fakty represijaŭ suprać biełaruskich i zamiežnych žurnalistaŭ.
Pradstaŭniki BNF prapanujuć deputatam stvaryć parłamienckuju kamisiju, kab vyśvietlić akaličnaści tak zvanaj «spravy bajevikoŭ», a taksama masavych zatrymańniaŭ i hvałtu nad udzielnikami mirnych akcyjaŭ 15 i 25 sakavika ŭ stalicy, a taksama «maršaŭ niedarmajedaŭ» u roznych haradach hetaj viasnoj.
