«Pieramovy buduć vielmi surjoznyja»: u Kramli paviedamili detali sustrečy Pucina i Łukašenki
ria.ru
Uładzimir Pucin sustreniecca ŭ paniadziełak z prezidentam Biełarusi Alaksandram Łukašenkam, kiraŭniki dziaržaŭ abmiarkujuć sprečnyja pytańni ŭ farmacie «sam-nasam», da pieramovaŭ pry nieabchodnaści mohuć padłučycca profilnyja ministry, paviedamiŭ žurnalistam pres-sakratar kiraŭnika dziaržavy Dźmitryj Piaskoŭ.
Raniej Piaskoŭ raspavioŭ, što Pucin sustreniecca z Łukašenkam 3 krasavika, kab abmierkavać dvuchbakovyja adnosiny i haspadarčyja roznahałośsi.
«Prezident u Kanstancinaŭskim pałacy sustreniecca sa svaim biełaruskim kaleham Alaksandram Łukašenkam. Pieramovy čakanyja, heta budzie sustreča adzin na adzin. Pry nieabchodnaści z abodvuch bakoŭ buduć prysutničać ministry pa profilnych pytańniach. Buduć abmierkavany biahučyja momanty dvuchbakovych adnosin, handlova-ekanamičnych, nu i, viadoma, roznyja sprečnyja pytańni, źviazanyja i z canoj na haz, i z zapazyčanaściu, i hetak dalej … Tamu pieramovy buduć dosyć surjoznyja i detalovyja», - skazaŭ Piaskoŭ ŭ paniadziełak.
