U Hiermanii stvaryli padraździaleńnie armii pa baraćbie z chakierami
U hiermanskaj armii stvoranaje padraździaleńnie, zaklikanaje adbić chakierskija ataki i abaranić vajennyja sakrety i prahramy, jakija kirujuć zbrojaj. Novaja struktura pačała rabotu 1 krasavika, paviedamlaje VVS.
Pavodle danych ministerstva abarony FRH, za pieršyja dzieviać tydniaŭ 2017 hoda na abjekty hiermanskaj armii było ździejśniena kala 284 tys. kibieratak. Niahledziačy na toje, što ataki byli prafiesijnymi, infrastruktura vajskoŭcaŭ nie paciarpieła.
Kibierkamandavańnie budzie asobnaj arhanizacyjaj u struktury ŭzbrojenych sił Hiermanii razam z suchaputnymi siłami, VPS, VMF, miedycynskim padraździaleńniem i dapamožnaj słužbaj.
Kolkaść novaha padraździaleńnia spačatku składzie 260 čałaviek. Da lipienia kolkaść supracoŭnikaŭ kamandavańnia vyraście da 13,5 tys. čałaviek. Padraździaleńnie budzie bazavacca ŭ Bonie.
Ministerstva abarony nabiraje śpiecyjalistaŭ u IT-industryi. Viedamstva zapuściła aktyŭnuju rekłamnuju kampaniju, u jakoj Bundeśvier pazicyjanujecca jak sučasnaje i pryvabnaje miesca dla pracy śpiecyjalistaŭ u halinie kibierbiaśpieki.
U listapadzie 2016 hoda kanclerka FRH Anhieła Mierkiel zajaviła, što kibierataki z Rasii stali «častkaj paŭsiadzionnaha žyćcia». Niezadoŭha da hetaha ŭ vyniku dziejańniaŭ chakieraŭ kala 900 tys. klijentaŭ mabilnaha apieratara Deutsche Telekom zastalisia biez suviazi.
«Takija kibierataki abo hibrydnyja ataki, jak jany viadomyja ŭ rasijskaj daktrynie, źjaŭlajucca častkaj našaha štodzionnaha žyćcia, i my pavinny navučycca ź imi spraŭlacca», — zajaviła tady Mierkiel.
Kiraŭnik fiederalnaj raźviedvalnaj słužby Hiermanii Bruna Kal zajaŭlaŭ, što źviazanyja z Rasijaj chakiery mohuć učynić kibierataki padčas vybaraŭ u Hiermanii. Niamieckija palityki taksama aścierahajucca, što chakiery mohuć arhanizavać kampanii pa dezinfarmacyi i sarvać vybary.
Drukujecca ŭ miežach śpiecyjalnaj rubryki «Naviny Hiermanii»
