U dvoryku Liceja BDU na miescy zahinułaj viarby pasadzili novaje dreva FOTA+VIDEA
«Staraja viarba dasiahnuła ŭražalnych pamieraŭ: viaršyniaj krony ŭzvyšałasia nad budynkam, — raspaviadaje dyrektar Liceja BDU Makar Šnip. — Viadoma, zachoŭvać chaj i lubimaje dreva na škodu biaśpieki vučniaŭ my nie mahli. Kali dreva piłavali, uvieś licej stoŭpiŭsia kala voknaŭ. Nam supieražyvaŭ uvieś internet — raźvitańnie ź licejskaj viarboj stała padziejaj u sacyjalnych sietkach i trapiła ŭ naviny».
Novaje dreva pasadzili na miescy paŭviekavoj viarby, jakaja ŭpryhožvała ŭnutrany dvoryk budynka na Uljanaŭskaj z momantu pierajezdu siudy Liceja BDU.
15-hadovaja viarba stała padarunkam ad vypusknikoŭ liceja i kampanii «A-100 Deviełapmient», zabudoŭščyka rajona «Novaja Baravaja».
Rajon «Novaja Baravaja», u jakim žyvuć i pracujuć u tym liku vypuskniki Liceja, padaryŭ maładuju zdarovuju raślinu, jakaja pavinna stać novym simvałam mudraści i junactva dla budučych pakaleńniaŭ liceistaŭ.
