Łukašenka: Chaču, kab na kaleniach nie poŭzali pierad našymi bratami, vyprošvajučy tonu nafty abo kubamietr hazu
Pra heta Alaksandr Łukašenka zajaviŭ siońnia ŭ čas razmovy ŭ Mahilovie z rabotnikami pradpryjemstvaŭ kampanii «Kronaspan».
president.gov.by
«Ja b vielmi chacieŭ, kab naša navuka ździejśniła praryŭ u lačeńni ludziej, i samaje hałoŭnaje, kab my narešcie pieramahli hetuju strašnuju čumu, strašnuju chvarobu, ź jakoj my nie možam spravicca. Kali b tut byŭ praryŭ, i my navučylisia lačyć rakavyja puchliny, jak zvyčajnuju chvarobu, heta było b ščaście», — miarkuje Alaksandr Łukašenka.
Jon źviarnuŭ uvahu, što ŭ krainie daŭno viaducca navukovyja daśledavańni ŭ hetym kirunku. Biełaruskija miedyki ŭžo prarabili niamała pracy, navučylisia dyjahnastavać zachvorvańnie ŭ rańniaj stadyi i pravodzić unikalnyja apieracyi.
«Jašče ja chacieŭ by, kab našy navukoŭcy vynajšli niejkuju novuju krynicu enierhii, kab my na kaleniach nia poŭzali navat pierad našymi bratami, molačy ich i vyprošvajučy tonu nafty abo kubamietr hazu», - dadaŭ kiraŭnik dziaržavy.
