Mova naša. Chto takija šuniaŭki i jakoje pachodžańnie proźvišča Šunievič?
Proźviščy Šunievič, Šuńka, Šuniejka ŭ Biełarusi častyja. Jany čysta biełaruskija i pachodziać, najchutčej, ad starabiełaruskaha skaračeńnia imieni Samojła, Samuił (Šunia). (Paraŭnajcie: Sańka, Saniejka naroŭni z Aleksandrovič, Alesin, Sašuk, Sašyk, Sašura — ad Alaksandr.)
Adnak utvoranaje ŭ 2017 hodzie słova maje vielmi kankretnaje pachodžańnie. Šuniaŭkami moładź pačała nazyvać milicyjantaŭ u cyvilnym. Raniej ich nazyvali cicharami. Ad proźvišča ž ministra ŭnutranych spraŭ Šunieviča stali nazyvać jašče i «šuniaŭkami».
«Šuniaŭki maskirujucca pad zvyčajnych minakoŭ, ale ich lohka paznać pa styli «sport-šyk» — kurtki, džynsy, krasoŭki (usio novaje) — i raźniavolenaj pachodcy. U rehijonach jany apranutyja našmat lepš asnoŭnaj masy pratestoŭcaŭ», — piša Pavieł Śviardłoŭ.
Cichary masava vychoplivali pratestoŭcaŭ z natoŭpu padčas «maŭklivych akcyjaŭ» u 2011 hodzie. Ale novaje słova dla ich prydumali tolki ciapier, kali svaimi «achranicielnymi» pohladami źviarnuŭ na siabie ŭvahu ministr Šunievič, u toj čas kali narod staŭ bolš zadumlacca pra svaje hramadzianskija pravy.
