U Viber źjavilisia «sakretnyja paviedamleńni»
U papularnym miesiendžary Viber źjavilisia tak zvanyja «sakretnyja paviedamleńni». Hetaja funkcyja daje mahčymaść karystalnikam vyrašać, na praciahu jakoha času foty i videa ŭ paviedamleńniach buduć dastupnymi dla prahladu. Takim čynam zvyčajnyja paviedamleńni buduć zachoŭvacca ŭ historyi prahramy, a «sakretnyja» — źnikać praz peŭny čas, i nichto ich bolš znoŭ pabačyć nie zmoža.
Karystacca funkcyjaj vielmi prosta: nieabchodna vybrać fotazdymak albo videa, vyznačyć praciahłaść pakazu (1, 3, 7 albo 10 siekund) i dasłać paviedamleńnie.
Takija paviedamleńni zručna vykarystoŭvać dla niazmušanych i niesurjoznych hutarak, bo jany nie buduć zaśmiečvać vašu historyju razmoŭ. A voś dla bolš farmalnaj razmovy varta vykarystoŭvać zvyčajnyja paviedamleńni.
Padobnaja funkcyja prysutničaje i ŭ miesiendžary Snapchat, ale tam, u adroźnieńnie ad Viber, nielha vybirać praciahłaść pakazu.
