Śviet na končyku ihołki
24 lipienia a 18‑j hadzinie ŭ halerei «Śviet fota» (Miensk, Prytyckaha, 10) adbudziecca adkryćcio vystavy pinchoł-fatahrafii «Nie Abjektyŭnaja realnaść. Pinchoł — heta taki sposab fatahrafańnia biaź linzaŭ, kali śviatło traplaje praz maleńkuju adtulinu, šyrynioj dzieś z končyk ihołki.
24 lipienia a 18‑j hadzinie ŭ halerei «Śviet fota» (Miensk, Prytyckaha, 10) adbudziecca adkryćcio fotavystavy «Nie Abjektyŭnaja realnaść. Heta supolny prajekt dvuch fatohrafaŭ z Taljaci (Rasieja) — Natalli Dziukavaj i Aleha Tarasava. Usie pracy źniatyja na kameru‑abskuru. Vystava pracavaćmie da 1 žniŭnia.
Pinchoł — heta taki sposab fatahrafańnia biaź linzaŭ. Kameru možna zrabić samomu ŭ chatnich umovach, ničoha składanaha ŭ hetym niama.
Pryncyp pracy pinchoł‑kamery vielmi prosty. Ad abjekta adbivajucca promni śviatła, prachodziać cieraz maleńkuju adtulinu ŭ ściency kamery j stvarajuć vyjavu na śviatłaadčuvalnym słoi (stužcy, naprykład). Čym mienšy pamier adtuliny, tym razčejšym budzie śvietłavy malunak na ploncy. Zvyčajna adtulinu robiać ihołkaj, čym mienš, tym lepš. Usie abjekty pry takoj technicy zdymańnia vychodziać adnolkavymi pa rezkaści.
Pieršaje fota takoj kameraj było zroblena jašče pry kancy 19 stahodździa, ale bahata chto j da siońnia, peŭna, nia viedaje pra taki cikavy sposab adlustravańnia realnaści.