Biełaruskija telekanały ničoha nie paviedamili pra samity JEAES i ADKB biez Łukašenki
U viačernich prahramach navin biełaruskich telekanałaŭ STV, ONT i «Biełaruś 1» 26 śniežnia nie było ni słova skazana pra samity JEAES i ADKB, što prajšli ŭ Sankt-Pieciarburhu, paviedamlaje BiełaPAN.
Na hetyja mierapryjemstvy Alaksandr Łukašenka nie pajechaŭ biez rastłumačeńnia pryčyn.
Hałoŭnaj temaj infarmacyjnych vypuskaŭ stała žałoba ŭ Biełarusi pa achviarach katastrofy rasijskaha samalota Tu-154, jaki lacieŭ u Siryju.
Na samicie JEAES była padpisanaja novaja redakcyja Mytnaha kodeksa, jakuju biełaruski kiraŭnik ŭspryniaŭ naściarožana. Na hetuju temu 9 śniežnia jon pravioŭ naradu, zapatrabavaŭšy zabiaśpiečyć zachavańnie intaresaŭ krainy i dać prajektu kodeksa «abjektyŭnuju acenku, uzvažyć usie za i suprać, praličyć nastupstvy i mahčymyja ryzyki».