Namieśnik kiraŭnika MZS Rasii prakamientavaŭ zajavy rasijskaha navukoŭca pra Biełaruś
Zajava dyrektara Rasijskaha instytuta stratehičnych daśledavańniaŭ (RISI) Leanida Rašetnikava pra historyju rasiejska-biełaruskich adnosin vyklikaje ździŭleńnie, zajaviŭ TASS stats-sakratar, namieśnik ministra zamiežny spraŭ RF Ryhor Karasin.
Ryhor Karasin. Fota: gagauznews.md
«Što tyčycca kankretnaj zajavy Leanida Rašetnikava, pra jakuju idzie havorka, jana ŭ mianie vyklikała ździŭleńnie», — skazaŭ jon.
20 śniežnyja Ŭ internecie źjaviŭsia videazapis vystupu dyrektara Rasijskaha instytuta stratehičnych daśledavańniaŭ Leanida Rašetnikava. Jon zajaviŭ, što biełaruskaj movie 90 hadoŭ, a Biełaruś — «histaryčnaja častka Vialikaj Rasiei».
«My niejak adciahnuty zaraz prablemami Ukrainy, Siryi, prychodam dy ŭłady Trampa, ale zabyvajem pra Biełaruś. Nielha zabyvać. Heta histaryčnaja častka Vialikaj Rasiei. Vielizarnaj Rasii. Heta častka našaha naroda. Pra što jany dumajuć? Kiraŭniki. Nie zrazumieła. Ci to ab ułasnym stanoviščy, ci to jašče ab niečym. Addalicca ad Maskvy i addacca kamu-niebudź inšamu. Voś što vychodzić», — zajaviŭ historyk. Dyrektar instytuta dadaŭ, što maleńkija krainy nie mohuć isnavać biez apory na niejkuju siłu.
A 22 śniežnia MZS Biełarusi vyklikaŭ savietnika-pasłanca pasolstva Rasii Vadzima Husieva. MZS vykazaŭ pratest u suviazi z vykazvańniami navukoŭca. Taksama ŭviečary adbyłasia telefonnaja razmova kiraŭnika MZS RF Siarhieja Łaŭrova ź jaho biełaruskim kaleh Uładzimieram Makiejem. 23 śniežnia namieśnik ministra zamiežny spraŭ Rasii Ryhor Karasin sustreŭsia z pasłom Biełarusi Iharam Pietryšenkam. Baki abmianialisia mierkavańniami «pa aktualnych vyprabavańniach rasijska-biełaruskaha ŭzajemadziejańnia».
