MZS zajaviła Rasii pratest u suviazi z vykazvańniami Rašetnikava
Kiraŭnik analityčnaha centra pry Administracyi prezidenta Rasii Leanid Rašetnikaŭ nazvaŭ biełaruskuju movu vydumanaj, a Biełaruś — pamyłkaj historyi.
22 śniežnia u Ministerstva zamiežnych spraŭ byŭ vyklikany daradca-pasłańnik Pasolstva Rasii ŭ Biełarusi Vadzim Husieŭ.
Rasijskamu dypłamatu byŭ zajaŭleny pratest u suviazi z vykazvańniami dyrektara Fiederalnaj dziaržaŭnaj navukovaj biudžetnaj ustanovy «Rasijski instytut stratehičnych daśledavańniaŭ» Rašetnikava Ł.P. na adras Respubliki Biełaruś.
«Biełaruskim bokam była dadziena pryncypovaja acenka ŭ dačynieńni da nieabhruntavanaści pa sutnaści i kateharyčnaj nieprymalnaści pa formie padobnych zajavaŭ. Padkreślena, što jany absalutna nie adpaviadajuć stratehičnamu charaktaru biełaruska-rasijskich adnosin, a taksama zafiksavanym u dvuch-i šmatbakovych dakumientach pryncypam, na jakich hruntujecca supracoŭnictva našych brackich dziaržaŭ, — pavahi suvierenitetu, niezaležnaści i terytaryjalnaj cełasnaści», — havorycca ŭ infarmacyi, raspaŭsiudžanaj pres-słužbaj MZS.
Nahadajem, što dyrektar Rasijskaha instytuta stratehičnych daśledavańniaŭ Leanid Rašetnikaŭ zajaviŭ pra niemahčymaść isnavańnia niezaležnaj Biełarusi. Hetaje vykazvańnie prahučała va ŭnison z zajavami inšych supracoŭnikaŭ instytuta, što Ukraina i Biełaruś pavinny być dałučanyja da Rasii, pry patrebie — siłaj.
Rasijski instytut stratehičnych daśledavańniaŭ (RISD, a pa-rasiejsku — RISI) zasnavany prezidentam Rasii. Jon zabiaśpiečvaje infarmacyjaj Administracyju prezidenta, Radu biaśpieki i inšyja struktury ŭłady Rasii.
Rašetnikaŭ — hienierał-lejtenant, pryjšoŭ u RISD sa Słužby zamiežnaj vyviedki.
«Situacyja vielmi dla nas niespryjalnaja, — skazaŭ Rašetnikaŭ pra Biełaruś. — Usio ruchajecca pa ŭkrainskim scenary, nu moža być ź niejkimi niuansami, ale pracesy vielmi padobnyja i, na žal, nie bačym pracesaŭ, jakija im supraćstajać. Voś hetaja linija na jak by takoje adździaleńnie biełarusaŭ ad rasiejcaŭ, voś heta stvareńnie takoha płotu pamiž biełarusami i rasiejcami ŭ ideałahičnym, histaryčnym, idejnym płanie, i navat ŭ niejkaj stupieni ŭ duchoŭnym, jano vidavočnaje prosta.
U pieršaj zale [vystavy, pra jakuju idzie havorka] była vystaŭlena i ciapier tam znachodzicca hazieta «Praŭda» za 1926 hod. Na pieršaj staroncy pastanova arhbiuro CK VKP(b), i nazyvałasia hetaja pastanova «Pra stvareńnie biełaruskaj movy» [musić, majecca na ŭvazie pastanova CK KPB 1926 hoda ab praviadzieńni ŭ Miensku navukovaj kanfierencyi ab reformie biełaruskaha pravapisu — NN]. Razumiejecie? 1926 hoda. Hetaj movie, vychodzić, 90 hadoŭ. Voś hetaja bomba, jakaja była zakładziena tady, jana ciapier vybuchnuła, i praciahvajuć vybuchać maleńkija bombački, — skazaŭ Rašetnikaŭ. — Heta vielmi niepakoić usich nas, ja miarkuju, i naša kiraŭnictva taksama. Patrebnaja dyskusija, prynamsi, havaryć pra heta [treba] adkryta. Uvaha mnohich ciapier adciahnutaja Siryjaj ci Ukrainaj, prychodam da ŭłady Trampa, zabyvajuć pra Biełaruś. Nielha zabyvać — heta histaryčnaja častka vialikaj Rasiei, vializnaj Rasiei, heta častka našaha naroda. Tak ža i ź Biełaruśsiu, pra što jany dumajuć — kiraŭniki [Biełarusi], — praciahvaŭ Rašetnikaŭ. — Niezrazumieła, ci to pra ŭłasnaje stanovišča, ci to jašče pra niešta. Pra što jany dumajuć? Addalicca ad Maskvy i addacca kamuści inšamu — voś što atrymlivajecca, — skazaŭ Rašetnikaŭ i padsumavaŭ. — Jakaja «Biełaruś niezaležnaja ad Maskvy?»
