Bjorndalen źjazdžaje ź Minska ŭ Narviehiju FOTA
Bjorndalen pravioŭ apošniuju treniroŭku ŭ Raŭbičach pierad adjezdam u Narviehiju, napisaŭ jon u fejsbuku.
Fota: facebook.com/OleEinarBjoerndalen
Narviežski bijatłanist Ule-Ejnar Bjorndalen z maja hetaha hoda znachodziŭsia ŭ Biełarusi, dzie jany z Darjaj Domračavaj čakali naradžeńnia dziciaci.
Bjorndalen aktyŭna rychtavaŭsia da novaha siezonu ŭ našaj krainie. U Raŭbičy pryjechaŭ jaho znakamity dom na kołach, jaki źjaŭlajecca mabilnaj trenirovačnaj bazaj.
1 kastryčnika ŭ zornaj pary naradziłasia dačka, jakuju nazvali Ksienijaj. Paśla hetaj padziei Bjorndalen skazaŭ, što zastaniecca ŭ Minsku, pakul u Narviehii nie vypadzie śnieh. I miarkujučy pa siońniašniamu zapisu na fejsbuku, śnieh u Narviehii vypaŭ.
Domračava prystupiła da trenirovak, praz čatyry tydni paśla naradžeńnia dziciaci.