Na niciach biełaj pavuciny: sinoptyki raspaviali, jakoje nadvorje nas čakaje na hetym tydni
Na hetym tydni ŭ Biełarusi ŭstalujecca suchoje i kamfortnaje nadvorje. Tolki ŭ aŭtorak projduć navalničnyja daždžy.
Delfi.lt
Pra heta paviedamiŭ načalnik słužby prahnozaŭ Hidramieta Minpryrody Dźmitryj Rabaŭ.
U aŭtorak nadvorje nienadoŭha źmienicca. U Biełaruś prarviecca z Zachodniaj Jeŭropy atmaśfierny front, jaki pryniasie panižeńnie tempieratury i navalničnyja daždžy.
Nočču ŭ centralnych i ŭschodnich rajonach, dniom na bolšaj častcy terytoryi karotkačasovyja daždžy, miescami navalnicy. Tempieratura nočču + 12 … + 18°S, dniom + 17 … + 23°S; pa paŭdniovym uschodzie krychu ciaplej: nočču + 19 … + 21°S, dniom + 24 … + 26°S.
Ź sierady ŭładu nad nadvorjem voźmie čarhovy antycykłon, jaki pryniasie ŭ bolšaść rajonaŭ krainy suchoje nadvorje. Charakternaj asablivaściu stanie chaładnavataja ranica, a dniom budzie soniečna i kamfortna.
31 žniŭnia budzie pieravažna biez apadkaŭ, tolki ŭ asobnych rajonach pa paŭnočnym uschodzie Viciebskaj vobłaści karotkačasovyja daždžy. Tempieratura nočču + 5 … + 12°S, dniom + 17 … + 24°S.
U čaćvier taksama pieravažna biez apadkaŭ. Nočču i ranicaj miescami słaby tuman. Tempieratura nočču + 4 … + 11°S, maksimalnaja dniom + 20 … + 25 ° S, pa paŭdniovym zachadzie da +27 ° S.
2 vieraśnia karotkačasovyja daždžy mahčymyja tolki pa poŭnačy respubliki. Tempieratura minimalnaja nočču + 7 … + 14°S, dniom + 21 … + 28°S.
Pieršyja vosieńskija vychodnyja taksama paradujuć ciopłym i suchim nadvorjem
