«Usia kraina hladzieła na vas»: Łukašenka pavinšavaŭ biełaruskich bajdaračnic z bronzaj u Rya-2016
Alaksandr Łukašenka pavinšavaŭ členaŭ nacyjanalnaj kamandy pa viesłavańni na bajdarkach i kanoe Marharytu Machniovu, Nadzieju Lapieška, Volhu Chudzienka i Marynu Litvinčuk z zavajavańniem bronzavaha miedala Alimpijskich hulniaŭ u Rya-de-Žaniejra.
«Vaš pierakanaŭčy vystup u bajdarcy-čaćviorcy prademanstravaŭ usiamu śvietu niazłomny charaktar i vysokaje spartyŭnaje majsterstva biełaruskich vieślaroŭ. Usia kraina hladzieła na vas, vieryła ŭ vas i vy hodna pradstavili Biełaruś», — havorycca ŭ vinšavańni.
«Vy zavajavali hetuju ŭdvaja kaštoŭnuju pieramohu va ŭmovach biesprecedentnaha vonkavaha cisku na kamandu, — adznačyŭ kiraŭnik dziaržavy. — Upeŭnieny, my razam pieraadolejem usie akaličnaści i jašče nie raz prymusim viedać hučnaje imia biełaruskaha viesłavańnia na bajdarkach i kanoe na najbujniejšych suśvietnych spartyŭnych forumach. Małajcy, tak trymać!».
