Pamior lehiendarny bramnik bresckaha «Dynama» Aleh Syrakvaška
Na 55 hodzie hodzie žyćcia, paśla praciahłaj chvaroby, pamior vydatny bramnik bresckaha «Dynama» Aleh Syrakvaška.
Syrakvaška zhulaŭ za brescki kłub bolš za 150 matčaŭ u pieryjad z 1981 pa 1989 hod.
Taksama Syrakvaška źjaŭlajecca ŭdzielnikam pamiatnaha matču suprać zbornaj SSSR, jaki adbyŭsia 7 maja 1988 hoda. Tady «Dynama», kamanda druhoj lihi, minimalna abyhrała hałoŭnuju kamandu krainy - 1: 0. Varoty bieraściejcaŭ zastalisia ŭ niedatykalnaści šmat u čym dziakujučy dziejańniam Aleha Michajłaviča. Praź niekalki miesiacaŭ paśla hetaj hulni zbornaja Savieckaha Sajuza stała ŭładalnikam załatych miedaloŭ Alimpijady ŭ Sieule.
U siaredzinie siezonu 2002/03 Aleh Michajłavič vystupiŭ u jakaści antykryzisnaha mieniedžara i prystupiŭ da vykanańnia abaviazkaŭ hałoŭnaha treniera «Dynama». Pad jaho kiraŭnictvam kamanda stabilizavałasia i na praciahu piaci turaŭ nie viedała paražeńniaŭ.
Da apošnich dzion Syrakvaška pracavaŭ trenieram varataroŭ ŭ rodnym kłubie, dzie pad jaho zahadam raskryŭsia nie adzin kłasny hałkipier.