Łui van Hał zvolnieny z pasady hałoŭnaha treniera «Mančester Junajted»
Hałoŭny trenier brytanskaha futbolnaha kłuba «Mančester Junajted» Łui van Hał zvolnieny sa svajoj pasady paśla dvuch hadoŭ pracy z kamandaj.
RA
Kantrakt 64-hadovaha hałandca byŭ raźličany na try hady. U hetym siezonie čempijanatu Anhlii futbalisty «Mančester Junajted» zaniali piataje miesca i nie patrapili ŭ Lihu čempijonaŭ.
Pasada hałoŭnaha treniera MIU budzie prapanavanaja partuhalcu Žaze Maŭryńju, jaki ŭ śniežni pakinuŭ pasadu treniera łondanskaha «Čełsi».
Čutki pra toje, što Maŭryńju viadzie pieramovy ab pierachodzie a «Mančester Junajted», źjavilisia jašče ŭ studzieni, adnak u kłubie nie paćviardžali hetuju infarmacyju.
53-hadovy partuhalec byŭ vymušany pakinuć svaju pasadu ŭ «Čełsi» paśla dzieviaci paražeńniaŭ u 16 matčach čempijanatu Anhlii i skandalnaj straty jaho kamandaj spartyŭnaj formy.
Van Hał ciapier abmiarkoŭvaje z kiraŭnictvam MIU umovy skasavańnia kantraktu. Jak miarkujuć, jon zarablaŭ u «Junajted» kala 6,4 młn funtaŭ u hod.
