Partał adkrytych dadzienych Biełarusi źjavicca sioleta
Partał adkrytych dadzienych Biełarusi źjavicca ŭ 2016 hodzie. Heta praduhledžana stratehijaj raźvićcia infarmatyzacyi ŭ Biełarusi na 2016—2020 hady, paviedamiŭ siońnia ministr suviazi i infarmatyzacyi Siarhiej Papkoŭ padčas kruhłaha stała, dzie abmiarkoŭvałasia farmiravańnie adzinaj ličbavaj prastory JEAES.
«U adpaviednaści sa stratehijaj pavinien raźvivacca kirunak pa pradastaŭleńni adkrytych dadzienych. U pryvatnaści, pavinna być pradastaŭlena nie mienš za 100 naboraŭ adkrytych dadzienych. U 2016 hodzie my pavinny realizavać tak zvany partał adkrytych dadzienych. Jaho najaŭnaść budzie ŭličvacca pry acency AAN ŭzroŭniu hatoŭnaści elektronnaha ŭrada ŭ krainie», — adznačyŭ Siarhiej Papkoŭ. U 2014 hodzie Biełaruś pa ŭzroŭni hatoŭnaści elektronnaha ŭrada znachodziłasia na 55-j pazicyi siarod 193 krain.
Akramia taho, siarod zadač stratehii — značnaje pavieličeńnie doli pasłuh, što akazvajucca dziaržaŭnymi orhanami ŭ elektronnym vyhladzie. Hetaja ličba pavinna skłaści nie mienš za 75%. Dola elektronnaha dakumientaabarotu pamiž dziaržorhanami pavinna skłaści nie mienš za 95% ad ahulnaha dakumientaabarotu.
Da 2021 hoda poŭnaściu ŭ elektronny vyhlad treba budzie pieravieści miedycynskuju dakumientacyju. Da hetaha ž hodu ŭ internecie pavinny być pradstaŭlenyja ŭsie biełaruskija ŚMI.
Pa słovach Siarhieja Papkova, u vyniku vykanańnia stratehii dola vałavoha dadanaha koštu siektara IKT ŭ VUP pavinna skłaści 3,8—4%.
