U homielskim «palitechu» stvaryli razumny hiermietyzatar
Śpiecyjalisty kafiedry «Pramysłovaja elektronika» Homielskaha dziaržaŭnaha techničnaha ŭniviersiteta imia P. Suchoha i AAT «Homieltransnafta Družba» raspracavali ŭnutrytrubny hiermietyzatar dla naftapravodaŭ, jaki kirujecca z pavierchni ziamli.
Ahrehat pryznačany dla ŭtrymańnia cisku słupa nafty ŭ trubie pierad tym učastkam truby, na jakim pravodziacca ramontnyja raboty. Sistema ŭžo vykarystoŭvajecca na naftapravodzie «Družba». Zaraz afarmlajecca patent na vynachodstva.
Raspracoŭka viadziecca z 2009 hoda na zamovu AAT «Homieltransnafta Družba». Na toj momant naftaviki svaimi siłami ŭžo raspracavali hiermietyzatar u vyhladzie miechaničnaj zapirajučaj pryłady, jakaja transpartavałasia da miesca praviadzieńnia ramontnych rabot za košt enierhii transpartavanaj nafty, i tam pryvodziłasia ŭ dziejańnie značnym pavyšeńniem cisku ŭ trubie. Śpiecyjalisty-elektroniki ŭniviersiteta zanialisia raspracoŭkaj elektronnych i elektramiechaničnych pryład, jakija b dazvolili pieraŭtvaryć hety miechaničny aparat u sučasnuju miechatronnuju sistemu z dystancyjnym kiravańniem. «Da rozumu» pieršuju madel davodzili ŭ łabaratoryjach univiersiteta, a taksama na ŭčastku ramonta i naładki technałahičnaha abstalavańnia AAT «Homieltransnafta Družba», dzie pad kiraŭnictvam inžyniera-miechanika Uładzimira Jakaŭca była zbudavana śpiecyjalnaja vyprabavalnaja kamiera.
Pieršy ekspłuatacyjny zapusk adbyŭsia ŭ kastryčniku 2015 hoda. Ahrehat zapuścili ŭ padziemnuju naftatranspartnuju sistemu ŭ kamiery puska na naftapierapampoŭvajučaj stancyi «Homiel» ( vioska Babovičy). Za košt enierhii traspartavanaj nafty jon za 10 hadzin pieramiaściŭsia na adlehłaść 65 km da miesca praviadzieńnia rabot, dzie byŭ zapielenhavany z pavierchni kamplektam naziemnaj aparatury i atrymaŭ kamandu na hiermietyzacyju truby. Nie nadta vysoki cisk, jaki ŭ hety momant atrymałasia stvaryć u naftapravodzie (7 atmaśfier), choć i zapuściŭ pa kamandzie z pavierchni praces hiermietyzacyi, ale nie dazvoliŭ humovym uščylnialnikam hiermietyzatara ŭvajści ŭ tryvałaje sčapleńnie z unutranymi ścienkami truby.
– Asablivaściu raspracavanaha hiermietyzatara źjaŭlajecca toje, što stupień hiermietyzacyi istotna zaležyć ad cisku ŭ naftapravodzie pierad puskam pracesa hiermietyzacyi, – udakładniŭ detali zahadčyk kafiedry «Pramysłovaja elektronika» Juryj Kryšnioŭ.
U toj raz praz słaby cisk u trubie nie ŭdałosia dabicca poŭnaj hiermietyzacyi. Ale navat u hetych umovach ad miesca budučaha praviadzieńnia ahniavych rabot adpampavali 44 kubamietry nafty, a nie raźlikovyja 600, što možna ličyć stanoŭčym vynikam. Pamianšeńnie abjoma adpampavanaj nafty paciahnuła za saboj ekanomiju času na jaje adpampoŭku i samoha paliva – na pracu pramysłovaj pompy. Heta značyć, što ŭžo pry pieršym zapusku raspracoŭka pryniesła adčuvalny ekanamičny efiekt. Pa zakančeńni ramontnych rabot hiermietyzatar z płyńniu nafty dabraŭsia da naftapierapampoŭvajučaj stancyi «Mazyr», dzie byŭ vyniaty na pavierchniu.
Paśla hetaha sistema prajšła płanavuju techničnuju dyjahnostyku, i napačatku śniežnia 2015 hoda hiermietyzatar ździejśniŭ užo bolš doŭhaje padarožža. Zapuščany ŭ Mazyry, jon prajšoŭ 84 km da Turava, vykanaŭ svaju zadaču i praz tydzień byŭ pryniaty ŭ kamiery pryjoma ŭ Pinsku Bresckaj vobłaści. Na hety raz cisk u naftapravodzie pierad zapuskam pracesa hiermietyzacyi składaŭ 30 atmaśfier, i hiermietyzacyja była stopracentnaj. Dalejšuju adlehłaść ad Turava da Pinska hiermietyzatar prajšoŭ faktyčna ŭ režymie ačystnoha snarada, vyčyściŭšy ścienki truby znutry. Paśla zakančeńnia hetych apieracyj miechaničnaja častka sistemy prachodzić rekanstrukcyju, u pryvatnaści, uščylnialniki buduć zamienieny na novyja.
– Na pačatak viasny zapłanavana čarhovaje «pahružeńnie», – padzialiŭsia płanami Juryj Kryšnioŭ. – Zaraz raspracoŭvajecca hrafik praviadzieńnia asnoŭnych rabot, jakija buduć ažyćciaŭlacca ŭ tym liku i hiermietyzataram. My karystajemsia hetaj paŭzaj u ekspłuatacyjnym hrafiku i ŭdaskanalvajem elektronnyja moduli dziela taho, kab jany z honaram prajšli budučyja zapuski. Etap navukovych daśledavańniaŭ, źviazany sa stvareńniem sposabaŭ vyznačeńnia kaardynat i kiravańniem hiermietyzataram, projdzieny. Ciapier budziem ukaraniać unutrytrubny hiermietyzatar u pastajannuju ekspłuatacyju na trubapravodnym transparcie i ŭdaskanalvać sistemu, dadajučy ŭ jaje roznyja servisnyja elemienty, u tym liku – na ŭzroŭni stvareńnia admysłovaj hieainfarmacyjnaj sistemy dla ŭnutrytrubnych pryład naftapravoda. U pierśpiektyvie jašče niekalki hiermietyzataraŭ płanujecca raspracavać i zmanciravać dla patrebaŭ AAT «Homieltransnafta Družba».
Jość u sistemy i ekspartny patencyjał. Užo prajavili cikavaść transpartniki z Rasijskaj Fiederacyi i Kazachstana, jakija absłuhoŭvajuć vielmi praciahłyja naftapravody, a taksama naftatranspartnaja arhanizacyja z Čechii.