List čytača: a mnie padabajecca Hihin
Adzin z čytačoŭ «Narodnaj voli» vykazaŭsia, što televiadučy na kanale ANT prahramy «Sprava pryncypu» Vadzim Hihin kiepska robić svaju spravu. Maŭlaŭ, adnaboka.
Tak, nie ŭsie pieradačy dla hledačoŭ byvajuć cikavymi, hłybokimi pa źmieście. Adna z apošnich była pryśviečana biełaruskamu kino. Voś jana prajšła na vysokim uzroŭni, z dobraj dyskusijaj, z zaprašeńniem zacikaŭlenych asob, što robiać stužki.
Hledaču stała mnohaje zrazumieła ŭ śviecie biełaruskaha šyrokaha ekrana. Buduć talenty — buduć i pośpiechi, jak u stužki «Biełyja Rosy».
Jaŭna prajhraje ŭ hetym płanie na «Rasii» prahrama Jahora Chrustalova «Što adbyvajecca». Pahladziš jaje i nie zrazumieješ, što sapraŭdy adbyvajecca navokał u Biełarusi. Chacia my razumiejem, što ničoha dobraha, cikavaha śmiełaha nie moža adbyvacca ŭ dziaržavie «apošniaha dyktatara Jeŭropy». Poŭny zastoj i adstoj. Dziaržava, jak kažuć, u stupary ručnoha kiravańnia.
I pad kaniec ab biełaruskim TB. Jość na ANT kamientatar, telekiler, jak ja jaho nazyvaju, Alaksiej Michalčanka. Jon u svajoj piaciminutcy pad nazvaj «Jak jość» «pierastralaŭ» užo ŭsiu biełaruskuju apazicyju, usich tych, chto maje svaju, niezaležnuju dumku i na zachadzie, i na ŭschodzie. Dobra jon słužyć režymu, tolki hetym užo nikoha nie zapałochaješ. Pustaja trata hrošaj.
A Vadzimu Hihinu žadaju tvorčych pośpiechaŭ. Jon jašče nie stračany čałaviek, bo z hałavoj.
