Stali viadomyja bijahrafija i prahrama tajamničaj pretendentki Žanny Ramanoŭskaj
Žanna Ramanoŭskaja naradziłasia ŭ Breście ŭ 1967 hodzie. Jaje baćka pracavaŭ bryhadziram kiroŭcaŭ na aŭtabazie №2 Bresta, maci – pasłušnica Bresckaj jeparchii. Pretendentka ŭ prezidenty haduje dvuch synoŭ, Arcioma i Dzianisa.
U 1987 hodzie Ramanoŭskaja skončyła Brescki muzyčny kaledž imia Ryhora Šyrmy (śpiecyjalnaść – vykładčyk pa kłasie fartepijana, kancertmajstar), a ŭ 2001 – psichołaha-piedahahičny fakultet Bresckaha dziaržaŭnaha ŭniviersiteta. Uvachodzić u skład siabroŭ Biełaruskaha sajuza muzyčnych dziejačaŭ.
Ramanoŭskaja adznačaje, što joj prapanoŭvali ŭznačalić adnu z bresckich škoł, adnak jana «adkazała admovaj u suviazi ź biurakratyzmam ŭ sistemie adukacyi».
Što da prahramy dziejańniaŭ, to jana źbirajecca zmahacca z karupcyjaj i biurakratyzmam u viertykali ŭłady, bo na svaim vopycie sutyknułasia z prablemami ŭ śfiery žyllovaha budaŭnictva.
«Ja vystupaju za aptymizacyju padatkaŭ i šyrokuju padtrymku małoha i siaredniaha biźniesu», – kaža Ramanoŭskaja. Što da źniešniaj palityki, to jaje słovy nadzvyčaj ahulnyja: «za šmatviektarnyja adnosiny z Rasijaj, Jeŭrasajuzam i ŭsioj suśvietnaj supolnaściu».
«Nas – miljony! Z nami – Haspodź Boh!» – padsumoŭvaje pretendentka.
Zrešty, Žanna Ramanoŭskaja nie maje šancaŭ zdabyć status kandydata ŭ prezidenty. Jaje inicyjatyŭnaja hrupa minimalna mahčymaja, dyj zapisanyja ŭ jaje aktyvisty nie źbirajuć podpisy.
* * *
Pieršaje intervju kandydatki ŭ prezidenty: «Kim ja pracuju? Siońnia składany dzień, ja adkažu zaŭtra»
* * *
U čyju hulniu trapiła Žanna Ramanoŭskaja? Piać faktaŭ pra kandydatku ŭ prezidenty
