Defile ŭ vyšyvankach: u Nacyjanalnaj biblijatecy pakazali novuju kalekcyju etnavopratki dla dziaciej i moładzi FOTAREPARTAŽ
Padčas prezientacyi 26 maja elektronnaha resursu «Moda i čas» u Nacyjanalnaj biblijatecy prajšoŭ pakaz kalekcyi sučasnych biełaruskich vyšyvanak ad majsterni Elen Carotte.
Elen Carotte – liniejka vopratki, jakaja imkniecca zachavać tradycyi biełaruskaha narodnaha stroju, daŭšy jamu žyćciovy impuls u sučasnym śviecie. Tamu majsternia raźvivaje abodva napramki dziejnaści, jak u halinie aŭtentyčnaści, tak i ŭ modnych tendencyjach.
Pradstaŭlenaja vopratka dla dziaciej i moładzi vykananaja ź lonu vysokaj jakaści, a vyšyŭka maksimalna nabližanaja da rehijanalnych uzoraŭ, zachoŭvaje asnoŭnyja rysy, charakternyja dla źniešniaha vyhladu biełaruskaj kašuli. Razam z tym kroj adaptavany da sučasnaha adzieńnia, heta zroblena śviadoma, kab dać mahčymaść spažyŭcu karystacca zručnaj vopratkaj u paŭsiadzioncy. Aznajomicca z pradukcyjaj majsterni možna na admysłovym sajcie.
