Top-30 biełaruskich pradprymalnikaŭ, jakim nie bolš za 30 hadoŭ
Ahienctva stratehičnaha i ekanamičnaha raźvićcia skłała rejtynh pierśpiektyŭnych i kreatyŭnych maładych pradprymalnikaŭ Biełarusi, jakija raźvivajuć prajekty ŭ roznych industryjach i ŭ roznych krainach.
Pry raźmierkavańni miescaŭ u Top-30 za asnovu byli ŭziatyja realnyja dasiahnieńni ŭdzielnikaŭ, uličanyja pierśpiektyvy rostu i kapitalizacyi ich kampanii (kampanij) u budučyni. Taksama aceńvalisia mahčymaści maštabavańnia biznesaŭ na hłabalnych rynkach.
U rejtynh uklučany:
1. Biznesmieny, nie starejšyja za 30 hadoŭ (uklučna) pa stanie na 1 sakavika 2015 hoda.
2. Tolki hramadzianie Biełarusi.
3. Biznesmieny, jakija pracujuć za miežami Biełarusi albo kampanija (kampanii) jakich zarehistravanyja za miežami našaj krainy.
4. Pradstaŭniki śfiery kultury, jakija majuć pierśpiektyvy i mahčymaści atrymańnia vysokich hanararaŭ i manietyzacyi vynikaŭ svajoj pracy ŭ budučyni.
1 miesca
Andrej Šymanovič
Uzrost: 27
Miesca žycharstva: Łondan
Śfiera dziejnaści: Vienčurnyja inviestycyi
Paśla zakančeńnia Queen Mary University of London Andrej dałučyŭsia da kamandy inviestycyjnaha bucika Bowline Capital Partners. Dośvied, atrymany ŭ inviestycyjnym bankinhu, adkryŭ jamu šlach da vienčurnaha kapitalizmu.
Siońnia Andrej — adzin z suzasnavalnikaŭ vienčurnaha fondu WeRocks z ofisami ŭ Łondanie i Pała-Alta. U partfieli fondu ŭžo 7 ambicyjnych startapaŭ, aryjentavanych na hłabalny rynak. Na ciapierašni momant WeRocks zakančvaje farmiravańnie čarhovaha vienčurnaha fondu z abjomam inviestycyj $250 młn.
Andrej časta pryjazdžaje na radzimu. Aktyŭna cikavicca pierśpiektyŭnymi startapam ŭ Biełarusi, jakija možna maštabiravać.
2 miesca
Piotr Skaromny
Uzrost: 30
Miesca žycharstva: Minsk
Śfiera dziejnaści: IT
Piotr — suzasnavalnik i dyrektar pa stratehičnym raźvićci raspracoŭščyka mabilnych dadatkaŭ Apalon. Za čas pracy (z 2007) kampanija vypuściła bolš za 50 IT-praduktaŭ. Ahulny abjom ich ustalovak skłaŭ 200+ młn.
Jaje dadatki (Pimp Your Screen, Weather Live, Calculator Pro for iPad i inš.) nieadnarazova atrymlivali ŭznaharody na roznych tematyčnych resursach. U minułym hodzie kampanija niekalki razoŭ ŭvachodziła ŭ štomiesiačny Top-10 raspracoŭščykaŭ praduktaŭ dla App Store pa viersii App Annie, atrymała status topavaha raspracoŭščyka ŭ Google Play.
Pa vynikach 2014 Apalon uvajšoŭ u pieršuju dziasiatku raspracoŭščykaŭ PVT pa abjomie vyručki.
U minułym hodzie adbyłasia adna z najbolš znakavych ździełak M&A na biełaruskim rynku: Apalon nabyła amierykanskaja internet-kampanija InterActiveCorp (IAC). U jaje partfiel uklučany 150+ brendaŭ i praduktaŭ, jakimi karystajucca bolš čym u 100 krainach śvietu.
Suma ŭhody nie raskryvajecca.
3 miesca
Anton Jarašuk
Uzrost: 29
Miesca žycharstva: Minsk
Śfiera dziejnaści: IT
Anton — zasnavalnik kampanii Vizor Interactive, jakaja źjaŭlajecca viadučym biełaruskim raspracoŭščykam i vydaŭcom šmatkarystalnickich hulniaŭ dla braŭzera, sacyjalnych sietak i mabilnych płatformaŭ. Siarod najbolš papularnych hulniaŭ kampanii — «Zombi fierma», «Kłandajk: źnikłaja ekśpiedycyja», «Viernaść: rycary i pryncesy».
Hulnia «Zombi fierma» vyjšła ŭ śviet u śniežni 2010 i praz 3 miesiacy paśla relizu ŭvajšła ŭ Top-5 hulniavych dadatkaŭ sacyjalnaj sietki «Ukantakcie». Ciapier u «Zombi fiermu» hrajuć miljony ludziej va ŭsim śviecie.
4 miesca
Pavieł Hilman
Uzrost: 27
Miesca žycharstva: Łondan
Śfiera dziejnaści: Bijatechnałohii, nieruchomaść, šou-biznes
Pavieł — šmatprofilny biznesmien z łondanskaj prapiskaj. Jon paśpiachova kiruje hrupaj kampanij na brytanskim rynku nieruchomaści. Jaho ryełtarskaj ahienctva Ready-flats Ltd asabliva papularnaje siarod ruskamoŭnaha nasielnictva Łondana. Stratehija raźvićcia biźniesu — adkryćcio pradstaŭnictvaŭ va ŭsich bujnych haradach śvietu (pieršym staŭ Rym). Taksama hrupa kampanij zajmajecca rekanstrukcyjaj i budaŭnictvam žyłych šmatpaviarchovych i pryvatnych damoŭ na terytoryi Vialikabrytanii.
Pavieł aktyŭna inviestuje ŭ bijatechnałohii. Adzin ź jaho aktyvaŭ — Kaddish Ltd, mižnarodnaja navukova-technałahičnaja kampanija, jakaja śpiecyjalizujecca na ahrakansałtynhu i ŭzbahačeńni charčovych praduktaŭ i karmoŭ dla sielskahaspadarčych žyvioł. U 2013 hodzie była zas nasnavanaja kampanija Stoller Ukraine ŭ Kijevie, jakaja akazvaje pasłuhi pa indyvidualnaj raspracoŭcy technałohij pavieličeńnia ŭradžajnaści sielskahaspadarčych kultur va Ukrainie.
Akramia taho, Pavieł źjaŭlajecca zasnavalnikam miedyja-pradakšn kampanii Hilberg Limited, a taksama členam apiakunskaj rady i žury Lihi KVZ i konkursu pryhažości Mis SSSR u Vialikabrytanii.
5 miesca
Mikita Mikada
Uzrost: 28
Miesca žycharstva: San-Francyska
Śfiera dziejnaści: IT
Mikita — suzasnavalnik startapa PandaDoc i kampanii Quote Roller. U 2013 hodzie jaho startap PandaDoc pryciahnuŭ $655 tys. Ad Kima Ventures, Altair Capital, Fabrice Grinda i šerahu inšych inviestaraŭ. U ciapierašni čas PandaDoc znachodzicca ŭ fazie imklivaha rostu.
«My vybirali nie krainu — my vybirali mienavita Silikonavuju dalinu. Heta Mieka ŭsich IT-kampanij. Asabista mnie tut chutčej vučycca i znachodzić toje, što ŭžo zrabili, a nie vynachodzić nanova. Žonka adrazu pahadziłasia», — kazaŭ Mikita paśla pierajezdu razam z kamandaj i žonkaj u San-Francyska.
6 miesca
Uładzimir Chalaźnikaŭ
Uzrost: 30
Miesca žycharstva: Maskva
Śfiera dziejnaści: IT
U sakaviku minułaha hoda hienieralnym dyrektaram adnaho ź mižnarodnych internet-chołdynhaŭ KupiVIP byŭ pryznačany Uładzimir Chalaźnikaŭ, jaki źmianiŭ na hetaj pasadzie zasnavalnika Oskara Chartmana. Uładzimir Chalaźnikaŭ źjaŭlajecca adnym z suzasnavalnikaŭ kampanii. Z 2012 hoda jon zajmaŭ pasadu apieracyjnaha dyrektara.
KupiVIP ciapier składajecca z šopinh-kłuba KupiVIP.ru, anłajn-bucika KupiLUXE.ru, internet-kramy ShopTime.ru, padraździaleńnia elektronnaj kamiercyi KupiVIP E-Commerce Services, madelnaha ahienctva NEW ONE Model Management i partała ab modzie Fashion Stylist. Pradstaŭnictvy kampanii adkryty ŭ Łos-Andželesie, Bierlinie, Miłanie i Paryžy.
7 miesca
Kirył Čykiejuk
Uzrost: 28
Miesca žycharstva: Łondan
Śfiera dziejnaści: Inavacyjnaja rekłama
Kirył i jaho partnior Arciom Stavienka ŭ 2012 hodzie zasnavali ŭ Vialikabrytanii startap Kino-mo, jaki akazvaje pasłuhi pa raźmiaščeńni inavacyjnaj rekłamy na kołach rovara. Pieršapačatkova prajekt byŭ zasnavany na techničnym rašeńni raspracoŭščykaŭ z ZŠA, ale za hod dapracoŭki jon pieratvaryŭsia ŭ novy pradukt, anałahaŭ jakomu niama ŭ śviecie.
Sa svaim prajektam chłopcy stali pieramožcami viadomaha telešoŭ «Dragons 'Den» na BBS, u ramkach jakoha členy žury — bujnyja inviestary i biźnies-anioły, kantaktujuć z maładymi vynachodnikami. Zatym prymajecca rašeńnie, ci varta ŭkładać u prajekty hrošy. Ale paśla zasnavalniki pierśpiektyŭnaha startapa admovilisia ad £90 tys. na karyść samastojnaha raźvićcia.
Kino-mo staŭ pieramožcam mnohich konkursaŭ i premij u Vialikabrytanii (Shell LiveWire Award, Bright Ideas Award, Cambridge University Entrepreneurs Award), a Kirył niadaŭna abaraniŭ dysiertacyju ŭ Oksfardskim univiersitecie i staŭ doktaram navuk.
8 miesca
Alaksiej Kurec
Uzrost: 29
Miesca žycharstva: Minsk
Śfiera dziejnaści: IT
Alaksiej Kurec — zasnavalnik i dyrektar TAA «TurbaCheds». Jašče da zasnavańnia svajho hałoŭnaha prajekta assistant.by Alaksiej zapuściŭ ceły šerah startapaŭ, aryjentavanych na biełaruski rynak: Obana.By, Yees.By, Udivi.By. U 2009 Obana.By staŭ samym papularnymi internet-aŭkcyjonam Biełarusi.
Pieršapačatkova assistant.by byŭ taksama aryjentavany na biełaruski rynak, ale paśla inviestycyj rasiejskaj kampanii «1S» u 2012 była vypuščanaja pieršaja viersija anłajn-buchhałteryi dla rasijskaha rynka pad nazvaj EasyBooker, paźniej pieranazvanaja ŭ Asistent Pro. Nastupnym impulsam dla raźvićcia assistant.by stała ŭvachodžańnie ŭ skład zasnavalnikaŭ vienčurnaha fondu Softline Venture Partners i adnaho z najbujniejšych vobłačnych pravajdaraŭ u SND kampanii ActiveCloud.
Siońnia ŭ kamandzie assisent.by pracuje 30 čałaviek, a pasłuhami servisu karystajucca tysiačy pradprymalnikaŭ pa ŭsioj krainie.
9 miesca
Alaksandr Žurba
Uzrost: 29
Miesca žycharstva: Maskva
Śfiera dziejnaści: Vienčurnyja inviestycyi
Alaksandr Žurba naradziŭsia ŭ Połacku, dzie i zrabiŭ pieršyja kroki ŭ internet-biznesie. U 2004—2006 jon raźvivaŭ infarmacyjna-analityčny sajt, pryśviečany Połacku i Navapołacku. Paśla pierajezdu ŭ Maskvu ŭ 2006 hodzie Alaksandr papracavaŭ u šerahu viadomych kampanij: studyi Arciemija Lebiedzieva, kreatyŭnym ahienctvie Lebrand, miedyjachołdynhu RBK.
Paśla ŭ roznyja pieryjady Alaksandr źjaŭlaŭsia suzasnavalnikam internet-chołdynha «Rojbier», inviestycyjnaj kampanii Modernus Capital Partners, biznes-aksieleratara TexDrive, vienčurnaha fondu Genezis Capital.
U ciapierašni čas Alaksandr raźvivaje svoj novy prajekt, źviazany ź vienčurnym inviestycyjami. Kampanija Sapfir Capital maje cikavuju kancepcyju: jana dapamahaje startapam ŭ pošuku inviestycyj i prodažy biznesu, a zarablaje na kamisii, jakaja spahaniajecca paśla afarmleńnia ździełak.
10 miesca
Uład Kucharčuk
Uzrost: 28
Miesca žycharstva: San-Francyska
Śfiera dziejnaści: Šou-biznes
Uład Kucharčuk — zasnavalnik i lidar pop-rok hurtu Kiwi Time, jaki bazujecca ŭ Kalifornii. Praktyčna ŭsia kamanda rodam ź Biarozy Bresckaj vobłaści. Chłopcy rabili pieršyja kroki ŭ muzycy ŭ Biełarusi, a paśla pierajezdu adzin za adnym u San-Francyska abjadnalisia i ŭtvaryli ŭ 2011 hodzie hrupu Kiwi Time.
U 2013 hodzie rasijski biźniesmen Juryj Pietuškoŭ śpiecyjalna pad hurt stvaryŭ muzyčny łejbł Granted Access Inc. i aktyŭna invieściruje srodki ŭ prasoŭvańnie hurtu. Kiwi Time staŭ uładalnikam šerahu premij u muzyčnaj industryi ZŠA, u pryvatnaści, Stoneski Battle of the Bands i ArtRockX band competition.
11 miesca
Siarhiej Dubahrajeŭ
Uzrost: 26
Miesca žycharstva: Aleksandryja (štat Virhinija), ZŠA
Śfiera dziejnaści: IT
Siarhiej — zasnavalnik startapa Pinxter dla modnikaŭ. Pinxter — sacyjalnaja sietka, dzie karystalniki mohuć dzialicca svaimi vobrazami i aceńvać harderob siabroŭ, nieznajomych ludziej abo zorak. U dadatku možna nie tolki paraicca, varta kuplać sukienku i ci padychodzić vam novaja pryčoska, ale i natchniacca idejami dla farmiravańnia ŭłasnaha stylu. Kampanija taksama daje hatovyja rašeńni, złučajučy brendy i spažyŭcoŭ šlacham analityki, adsočvajučy trendy i spažyvieckija intaresy.
Aŭdytoryja sacyjalnaj sietki naličvaje bolš za 300 tysiač karystalnikaŭ, bolšuju častku ź jakich składajuć dziaŭčaty ad 15 da 22 hadoŭ.
12 miesca
Dźmitryj Mackievič
Uzrost: 30
Miesca žycharstva: Maskva
Śfiera dziejnaści: IT
Dźmitryj, nieadnarazovy pieramožca respublikanskaj alimpijady pa fizicy, u 2002 hodzie pajechaŭ vučycca ŭ MFTI. Fizikam jon nie staŭ, ale staŭ vienčurnym pradprymalnikam. Papracavaŭšy analitykam u Accenture i kiraŭnikom adździeła CRM i śpiecyjalnych prajektaŭ u Wikimart, zasnavaŭ dva ŭłasnyja startapy — flocktory.com i 1minute.ru.
Flocktory.com — sistema riefieralnaha markietynhu, jakaja dazvalaje ŭładalnikam internet-kram abo resursaŭ matyvavać svaich biahučych pakupnikoŭ rekamiendavać jaho svaim siabram.
1minute.ru — prajekt, jaki dazvalaje zajmacca dabračynnaściu, nie adychodziačy ad kampjutara. Karystalniki mohuć ździajśniać roznyja rekłamnyja dziejańni, a sabranyja takim čynam srodki raźmiarkoŭvać pamiž dabračynnymi fondami. Startap staŭ udzielnikam i pryzioram nastupnych konkursaŭ: BIT, HSE {10K}, Kubak Tiechnavacyj, Imagine Cup.
13 miesca
Aleh Ciahunoŭ
Uzrost: 30
Miesca žycharstva: Minsk
Śfiera dziejnaści: IT
Aleh — suzasnavalnik i kiraŭnik ActiveCloud. U 2003 zasnavaŭ kampaniju Active Technologies, jakaja stała pravajdaram pasłuh chostynhu ŭ Biełarusi. U 2007 hodzie zasnavaŭ kampaniju Invelio, jakaja zajmajecca raspracoŭkaj zakaznoha prahramnaha zabieśpiačeńnia ŭ roznych śfierach: aŭtamatyzacyja chostynhu, e-commerce, bilinhavaj sistemy, CRM, CMS, PA dla bukmiekierskich kampanij i inš.
U 2010 razam sa svaim prajektam pryjšoŭ u Softline. Tak paŭstaŭ brend ActiveCloud, jaki prapanuje vobłačnyja rašeńni, chostynh i IT-kansałtynh ŭ SND i šerahu zamiežnych krain. U 2013 staŭ suarhanizataram biznes-inkubatara TurboHeads, jakija śpiecyjalizujucca na stvareńni SaaS-praduktaŭ.
14 miesca
Bachram Ismaiłaŭ
Uzrost: 22
Miesca žycharstva: Minsk
Śfiera dziejnaści: IT
Bachram pačaŭ svaju karjeru ŭ IT u jakaści prajekt-menedžara ŭ amierykanskim startapie MediBook, jaki pracuje ź miedycynskimi ŭstanovami Kalifornii.
U 2014 hodzie sumiesna z partniorami pačaŭ pracu nad startapam vnutri.by i zasnavaŭ kampaniju Global Indoor Technology Ltd. Kampanija zajmajecca raźvićciom sinerhii mabilnaha dadatka i softu, jakija pavinny vyrašyć prablemu navihacyi ŭnutry handlovych centraŭ dla karystalnikaŭ, zboru markietynhavaj infarmacyi i vymiareńnia kanviersii dla afłajn-kram.
Na dadzieny momant prajekt pryciahnuŭ inviestycyi rasijskich inviestaraŭ.
Bachram źjaŭlajecca pryzioram Mentor Day — 2014.
Kamanda maładych IT-raspracoŭščykaŭ, jakuju ŭznačalvaje Bachram, — hałoŭnyja hieroi našaha śpiecprajekt «Startap na miljard».
15 miesca
Jaŭhien Palčeŭski
Uzrost: 28
Miesca žycharstva: Minsk
Śfiera dziejnaści: IT
Jaŭhien u 2009 hodzie ŭžo paśpieŭ pradać svaju pieršuju kampaniju. U 2009—2011 kiravaŭ raspracoŭkaj prajekta pa veb-analitycy ź miesiačnym naviedvańniem ŭ 30 młn karystalnikaŭ. Z 2011 zajmajecca raźvićciom pryvatnych analityčnych veb-servisaŭ, jakija dasiahnuli top-1000 pa naviedvańniach u śviecie — aŭdytoryja 7 młn naviedvalnikaŭ u miesiac. Zaraz raźvivaje i invieściruje ŭ šerah kampanij u siehmiencie B2B.
16 miesca
Caša Filipienka
Uzrost: 30
Miesca žycharstva: Maskva
Śfiera dziejnaści: Litaratura, žurnalistyka
Alaksandr naradziŭsia ŭ Minsku, skončyŭ licej mastactvaŭ im. Achremčyka, paźniej pierajechaŭ u Sankt-Pieciarburh, dzie skončyŭ fiłałahičny fakultet SPBHU. Pracavaŭ na Pieršym kanale telebačańnia, u tym liku pisaŭ scenary da prahram «Pražektarperyschiłtan», YestardayLivie i inš. Zatym pierajšoŭ u redakcyju telekanała «Doždž».
U 2014 hodzie za svoj raman «Były syn» staŭ łaŭreatam pieršaj premii ŭ naminacyi «Bujnaja proza» mižnarodnaj prestyžnaj litaraturnaj «Ruskaj premii». Uličvajučy dobry start u maładym uzroście i pamiery hanararaŭ papularnych rasijskich piśmieńnikaŭ, u Filipienki vielmi pierśpiektyŭnaja budučynia.
17 miesca
Andrej Husaraŭ
Uzrost: 29
Miesca žycharstva: Minsk
Śfiera dziejnaści: Digital-marketing
Andrej — zasnavalnik kampanii «Husaraŭ Hrup», adnaho ź viadučych digital-ahienctvaŭ u Biełarusi. Historyja kampanii pačałasia ŭ 2007, kali internet-rynak u našaj krainie tolki pačynaŭ aktyŭna raźvivacca.
Za bolš čym 7 hadoŭ paśpiachovaj pracy ahienctva vyrasła ź nievialikaj firmy, jakaja śpiecyjalizujecca na SEO-prasoŭvańni sajtaŭ, u paŭnavartasnaje digital-ahienctva.
Andrej aktyŭna padtrymlivaje maładych talenavitych pradprymalnikaŭ i źjaŭlajecca adnym z fundataraŭ konkursu biznes-idej i prajektaŭ Start2Go.
18 miesca
Arciom Kancavy
Uzrost: 30
Miesca žycharstva: Minsk
Śfiera dziejnaści: Miedyja
Arciom — zasnavalnik dev.by, papularnaha ŭ Biełarusi miedyja-prajekta ŭ halinie IT. Siońnia dev.by abjadnoŭvaje zvyš 31 tysiačy zarehistravanych prafiesijanałaŭ i kala 1 000 biełaruskich IT-kampanij.
U płanach partała — pavieličeńnie kolkaści biełaruskaha kantentu, zapusk novych aŭtarskich kałonak i błohaŭ kampanij, a taksama vychad na bolš maštabnyja rynki susiednich krain.
19 miesca
Anton Dźmitryjeŭ
Uzrost: 29
Miesca žycharstva: Minsk
Śfiera dziejnaści: Finansy
Anton — hienieralny dyrektar hrupy kampanij «Budinviestlizinh». Kampanija aktyŭna raźvivajecca, naraściŭšy abjom lizinhavaha partfiela da bolš čym $20 młn.
Anton maje dypłom u halinie finansavaj stratehii Said Business School, University of Oxford i stupień MBA The Open University Business School. Atrymanyja viedy i nazapašany dośvied pieradaje studentam Biźnies-škoły IPM, dzie pracuje vykładčykam šerahu prahram.
20 miesca
Aleś Misuna
Uzrost: 29
Miesca žycharstva: Minsk
Śfiera dziejnaści: Digital-marketing
Aleś — suzasnavalnik digital-ahienctva Qmedia. Z momantu zasnavańnia ŭ 2007 hodzie ahienctva praviało 1 030+ rekłamnych kampanij dla zakazčykaŭ ź Biełarusi i krain SND.
Siarod klijentaŭ ahienctva takija viadomyja biełaruskija i suśvietnyja brendy, pradstaŭlenyja na biełaruskim rynku, jak «Jeŭraopt», «Juniviest-M», «Vitalur», «Buslik», «Jevrosieť», Honda, Scania, Citrojon i inš.
21 miesca
Alaksiej Januškievič
Uzrost: 27
Miesca žycharstva: Minsk
Śfiera dziejnaści: Sietkavy fast-fud
Alaksiej — suzasnavalnik i hienieralny dyrektar sietki restaranaŭ SushiHouse. Alaksiej pačaŭ sprabavać siabie ŭ restarannym biznesie ŭ Maskvie, dzie jon pravioŭ 4 hady. U Maskvie była pieršaja sproba adkryćcia restarana na 50 pasadačnych miescaŭ, adnak z-za roznahałośsiaŭ z partniorami było vyrašana pradać restaran.
Viarnuŭšysia ŭ Minsk, Alaksiej staŭ raźvivać farmat restaranaŭ azijackaj kuchni. Siońnia ŭ sietcy SushiHouse dva restarany i aktyŭna raźvivajecca dastaŭka sušy.
Jaho imknieńnie da vysokaj jakaści vykanańnia straŭ nie zastałosia niezaŭvažanym: pa viersii restaranna-hastranamičnaj premii Golden Chef u 2013 hodzie Sushi House atrymaŭ zvańnie «Najlepšaja japonskaja kuchnia».
22 miesca
Siarhiej Cybulin
Uzrost: 29
Miesca žycharstva: Minsk
Śfiera dziejnaści: Finansy
Siarhiej — namieśnik dyrektara TAA «Dzikrys» i člen rady dyrektaraŭ RRB-Banka. Adnym z akcyjanieraŭ banka źjaŭlajecca jaho baćka.
Siarhiej praktyčna z univiersiteta pryjšoŭ u bank i vielmi šmat zrabiŭ dla raźvićcia napramku roźničnaha biznesu. U 2013 hodzie jon atrymaŭ stupień MBA u Jeŭrapiejskim humanitarnym univiersitecie.
23 miesca
Pavieł Šyško
Uzrost: 30
Miesca žycharstva: Minsk
Śfiera dziejnaści: Adukacyja
Pavieł — zasnavalnik paśpiachovaha adukacyjnaha centra «Šypaleks», jaki prapanuje biznes-kursy, majstar-kłasy, kampjutarnyja kursy i treninhi. Najbolš paśpiachovaj prahramaj staŭ treninh «Biznes-start», jaki źbiraje vielmi vialikija zały. Za asnovu treninhu ŭziataja madel rasijskaj škoły svajoj spravy «Biznes-maładość», jakaja pakazvaje hrandyjoznyja pośpiechi na rynku SND i demanstruje dobryja finansavyja pakazčyki (abarot «Biznes-maładości» ŭ 2013 hodzie skłaŭ kala RUB 1 młrd).
Pavieł aŭtar knihi «Pracujem z mytniaj krok za krokam» i suaŭtar knihi «Biznes u Biełarusi: sakrety stvareńnia z nula da vyniku».
24 miesca
Mikałaj Kiekiš
Uzrost: 28
Miesca žycharstva: Minsk
Śfiera dziejnaści: IT
Mikałaj — zasnavalnik CatalogLoader.com, jaki pradaje prahramy dla internet-kram ź ich dalejšym ukaranieńniem ŭ biznes-pracesy. Kampanija ŭžo maje tysiačy klijentaŭ z małoha biznesu ŭ śfiery elektronnaj kamiercyi.
«Mahu skazać, što kožny kvartał kampanija pa abarotach vyrastaje na 30% u paraŭnańni z papiarednim. Za dva hady praz nas «prajšło» bolš za 500 prajektaŭ, my akazali bolš za 2000 pasłuh. Darečy, našy klijenty — heta nie tolki internet-kramy, choć jany, biezumoŭna, składajuć asnovu. Taksama heta markietynhavyja ahienctvy, jakija pracujuć z bujnymi pastaŭščykami abo niepasredna sami bujnyja pastaŭščyki», — tak Mikałaj raspaviadaŭ pra svaje biznes-pośpiechi partału Bel.biz.
25 miesca
Dzianis Kurjan
Uzrost: 30
Miesca žycharstva: Minsk
Śfiera dziejnaści: Pramoŭšn
Dzianis — viadomy teležurnalist, uładalnik premii «Televiaršynia» ŭ naminacyi «Najlepšy viadučy zabaŭlalnych prahram», z vosieni 2012 — viadučy prahram «Naša ranica» i «Ja lublu Biełaruś».
Akramia žurnalistyki Dzianis raźvivaje šerah napramkaŭ u biznesie. Adno ź ich — heta pradakšn-studyja Promofilm, jakaja stvaraje prezientacyjnyja filmy dla biełaruskich kampanij. Klijentami pradakšn-studyi źjaŭlajucca «Trajpł», «Santa Bremar», «Savuškaŭ pradukt», Biełaruski mietałurhičny zavod, tytuniovaja fabryka «Nioman», Biełaruskaja čyhunka, BiełVEB i inšyja viadomyja kampanii.
Taksama Dzianis invieściruje ŭ viendzinhavy biznes.
26 miesca
Alaksandr Michalevič
Uzrost: 29
Miesca žycharstva: Minsk
Śfiera dziejnaści: IT
Alaksandr — zasnavalnik prafiesijnaj sacyjalnaj sietki Kollega.by. Ideja stvareńnia sacyjalnaj sietki zapazyčanaja ŭ viadomaj va ŭsim śviecie LinkedIn, jakaja maje zvyš 225 miljonaŭ karystalnikaŭ. Adnak u Kollega.by šmat u čym inšaja kancepcyja, adaptavanaja pad biełaruski rynak. Asnoŭnaja madel manietyzacyi biznesu — pašyrany funkcyjanał pošuku dla pracadaŭcaŭ, prasoŭvańnie vakansij i pasłuh, infarmacyja ab naviedvalnikach staronak karystalnikaŭ i vakansij.
Siońnia na Kollega.by zarehistravana bolš za 36300 karystalnikaŭ z bolš za 13700 kampanij pa ŭsioj Biełarusi.
27 miesca
Alaksiej Murončyk
Uzrost: 28
Miesca žycharstva: Minsk
Śfiera dziejnaści: Budaŭničaje prajektavańnie
Alaksiej — suzasnavalnik i dyrektar prajektnaj majsterni TAA «Prajekt-M». Asnoŭnyja napramki dziejnaści kampanii — raspracoŭka eskiznych, architekturnych prajektaŭ i kanstruktyŭnych rašeńniaŭ dla budaŭnictva budynkaŭ, dyzajn interjeru i vonkavaha vyhladu budynkaŭ, łandšaftny dyzajn. Kampanija — adzin ź lidaraŭ na rynku ŭ halinie małapaviarchovaha domabudavańnia i aktyŭna skaraje rynak prajektaŭ budynkaŭ i zbudavańniaŭ.
U momant uviadzieńnia ŭ Biełarusi atestacyi ŭ śfiery budaŭnictva i prajektavańnia pad brendam «Prajekt-M» adbyłosia źlićcio niekalkich pryvatnych prajektnych arhanizacyj.
Alaksiej, jak mahistr techničnych navuk, raźvivaje inavacyjnyja technałohii ŭ halinie prajektnaj inžynieryi.
28 miesca
Uład Androsaŭ
Uzrost: 27
Miesca žycharstva: Minsk
Śfiera dziejnaści: Miedycynski turyzm
Uładzisłaŭ — zasnavalnik dvuch kampanij, jakija pracujuć u śfiery miedycynskaha turyzmu.
MedTravelBelarus — apieratar miedycynskaha turyzmu, jaki prapanuje pasłuhi pa arhanizacyi lačeńnia ŭ biełaruskich klinikach. Štohod kampanija prymaje kala 700 klijentaŭ z-za miažy.
Taksama z 2010 hoda Uład raźvivaje siehmient vyjaznoha miedycynskaha turyzmu dla biełarusaŭ, jakija žadajuć atrymać abśledavańnie, lačeńnie abo reabilitacyju ŭ klinikach za miažoj ci azdaravicca na SPA kurortach Jeŭropy.
Uładzisłaŭ źjaŭlajecca adnym z zasnavalnikaŭ Minsk kicker club i ahientam maładoha futbolnaha talenta — svajho rodnaha brata Alaksandra Androsava.
29 miesca
Dzianis Kandratovič
Uzrost: 27
Miesca žycharstva: Minsk
Śfiera dziejnaści: IT
Dzianis — pradprymalnik, aryjentavany na sacyjalnyja prajekty. Jon źjaŭlajecca adnym z zasnavalnikaŭ dabračynnaha aŭkcyjonu sustreč MaeSens.by i prajekta StartIdea.by.
MaeSens.by prapanuje zarehistravanym karystalnikam niestandartny farmat ŭklučeńnia ŭ dabračynnaść, u asnovie jakoha lažać miechanizmy aŭkcyjonnaha handlu, sacyjalnaj sietki, virtualnaj słužby znajomstvaŭ i kraŭdfandzinhu. U 2012 hodzie startap pryciahnuŭ pasiaŭnyja inviestycyi ad vienčurnaha inviestara Hreha Kida, jaki atrymaŭ viadomaść dziakujučy inviestycyjam u Twitter i Squarie, i pačaŭ svajo raźvićcio na rynkach Rasii i ZŠA.
Dzianis — suzasnavalnik i člen žury konkursu sacyjalnych prajektaŭ dla Biełarusi Social Weekend.
30 miesca
Ksienija Kuruś
Uzrost: 22
Miesca žycharstva: Minsk
Śfiera dziejnaści: Sietka chostełaŭ
Ksienija — suzasnavalnik chostełaŭ Trinity, Riverside Hostel, Traveller i Art House. Prajekt, jaki maje cikavuju kancepcyju, u svoj čas padtrymaŭ biźnies-anioł Alaksandr Knyrovič. Jon staŭ nie tolki inviestaram, ale i mientaram.
Unikalnaść chostełaŭ Ksienii u tym, što jany pieršyja ŭ Biełarusi ŭvajšli ŭ Mižnarodnuju fiederacyju moładzievych chostełaŭ (IYHF), jakaja ŭklučaje ŭ siabie amal 80 chosteł-asacyjacyj, jakija naličvajuć kala 4 500 chostełaŭ, jakija ŭvasablajuć raznastajnyja kultury i etničnyja formy.
