Denaminacyja na hetym etapie nie dapamoža pavysić davier da biełaruskaha rubla - ekśpiert
Denaminacyja na hetym etapie nie dapamoža pavysić davier da biełaruskaha rubla.
Ab hetym u paniadziełak u čas anłajn-videabryfinhu na sajcie Nacyjanalnaha pres-centra zajaviła zahadčyca kafiedry ekanamičnaj teoryi Akademii kiravańnia pry prezidencie Biełarusi doktar ekanamičnych navuk, prafiesar Iryna Novikava.
Iryna Novikava prakamienciravała prapanovu biełaruskaha biźniesu pravieści ŭ krainie denaminacyju. Na dumku dziełavoj supolnaści, heta budzie adnym z krokaŭ pa dedałaryzacyi ekanomiki i pavysić davier da nacyjanalnaj valuty.
«Denaminacyja — heta techničnaja, ale davoli darahaja apieracyja. Možna jaje pravieści, ale kali ekanomika ŭ niestabilnym stanie, to praź niejki čas znoŭ daviadziecca dapisvać nuli», - adznačyła jana. Situacyju ŭ biełaruskaj ekanomicy stabilnaj pakul nie nazavieš, tamu, na dumku ekśpierta, pravodzić denaminacyju dačasna.
Dedałaryzacyja ekanomiki budzie prachodzić lahčej, kali biełarusy zmohuć kuplać ajčynnyja anałahi tavaraŭ, za jakimi jany raniej jeździli za miažu. «Budzie taksama pavyšacca davier da svajoj valuty. Kali budzie ŭsio, što my možam kupić za našu valutu, to navošta nam zamiežnaja?» - skazała ekśpiert.
Na hetym etapie biełaruskija ŭłady prymajuć miery, kab strymać inflacyju. Iryna Novikava padkreśliła, što heta adziny mietad nie dapuścić sacyjalnaj napružanaści va ŭmovach, kali rost zarabotnaj płaty pryviazany da pradukcyjnaści pracy. Kali adpuścić ceny, to na tyja tavary, jakija vyrablajucca manapalistami, jany mohuć vyraści ŭ razy. «U hetaj situacyi ŭ suviazi z tym, što strymlivajecca inflacyja možna zaachvočvać raźvićcio małoha biźniesu mienavita ŭ tych siektarach, dzie pakul jość niachvatka tych ci inšych tavaraŭ», - ličyć ekśpiert.
