Kryzis dabraŭsia i da budaŭnikoŭ: AAT «Trest №15 Śpiecbud» pierachodzić na čatyrochdzionku
Usio staličnaje pradpryjemstva — ad hiendyrektara i da prybiralščycy — z 12 lutaha budzie pracavać čatyry dni na tydzień i pa 7 hadzin u dzień. Taki hrafik uvodzicca da 1 krasavika.
«Ciapier na pradpryjemstvie skłałasia takaja situacyja, što my nie ŭ stanie płacić ludziam za poŭny pracoŭny dzień. Heta zaležyć ad šerahu pryčyn: i ad ekanamičnaj situacyi, i ad zdolnaściej zakazčykaŭ apłočvać našuju pracu», — paviedamiła «Našaj Nivie» Kaciaryna Marhulec, načalnik adździeła arhanizacyjna-kadravaj i pravavoj raboty minskaha pradpryjemstva.
Trest №15 pracuje na rynku budaŭničych pasłuh amal 60 hadoŭ. U jaho składzie piać śpiecyjalizavanych upraŭleńniaŭ i ŭpraŭleńnie vytvorča-technałahičnaj kamplektacyi.
Na siońniašni dzień na pradpryjemstvie pracuje kala 1800 čałaviek.
