Biełaruskaja naftavaja kampanija ŭpieršyniu ekspartavała dyzielnaje paliva praz Kłajpiedu
«Biełaruskaja naftavaja kampanija» (BNK) upieršyniu ekspartavała dyzielnaje paliva praz terminał litoŭskaj kampanii Klaipedos nafta.
Daččynaje pradpryjemstva BNK Transchema, jakoje da hetaha času pierapampoŭvała praz terminał tolki mazut, adhruziła 20 tys. ton dyzpaliva, paviedamiła Klaipedos nafta.
«Damovy mienšaha abjomu z dobra viadomymi na rynku imionami i susiedziami krainy dapamahajuć dyviersifikavać partfiel zamovaŭ. Heta dazvalaje čakać palapšeńnia finansavych vynikaŭ i chutčej adčuvać i reahavać na padziei, jakija adbyvajucca na rynku źmienaŭ, a taksama pryciahvać inšyja patoki naftapraduktaŭ u Kłajpiedski port», - skazaŭ hiendyrektar Klaipedos nafta Mantas Bartuška.
Pradpryjemstva spadziajecca, što supracoŭnictva z BNK stanie doŭhaterminovym.
Z Transchema kampanija Klaipedos nafta pracavała ŭ 2011-2012 hadach. U kastryčniku 2010 naftakancern Shell pieramoh na abjaŭlenym BNK konkursie na kuplu da 60 tys. ton mazutu, u miesiacy pa prahramie FOB (free on board) Klaipeda i na praciahu 1 hoda jon pierapamoŭvaŭ biełaruski mazut praz Klaipedos nafta.