«Akijan Elzy» ŭpieršyniu va Ukrainie vykanaŭ pieśniu na rasijskaj movie VIDEA
Adbyłosia heta padčas kancertu 28 červienia ŭ Adesie, što prajšoŭ u ramkach śviatkavańnia 20-hodździa hurtu. Kancert sabraŭ 40-50 tys. hledačoŭ, što stała rekordam dla horada, paviedamlaje tabloid.pravda.ua.
Śviatasłaŭ Vakarčuk vykanaŭ na rasijskaj movie znakamituju pieśniu Leanida Uciosava «U Čiernoho moria», jakuju padchapili ŭsie prysutnyja. Heta pieśnia faktyčna jość himnam Adesy.
Aproč taho, OJE praśpiavaŭ razam ź lidaram «Bumboksa» Andrejem Chłyŭniukom. Jany, u pryvatnaści, vykanali pieśniu «Cie zi mnoju».
Nahadajem, što tydzień tamu «Akijan Elzy» sabraŭ 70 tys. hledačoŭ na «Alimpijskim» u Kijevie.
24 žniŭnia OJE daść kancert u Lvovie na «Arenie-Lvoŭ», 20 vieraśnia — u Talinie, a 21 vieraśnia — u Chielsinki.
U kastryčniku płanujecca try kancerty ŭ Kanadzie: u Taronta, Manreale i Atavie (9-11 kastryčnika).
Kancert u Adesie sabraŭ 40 tys. słuchačoŭ.
