Skarlet Jochansan: Žančyny taksama lubiać porna
Papularnaja amierykanskaja aktrysa Skarlet Jochansan zajaviła, što porna moža prynosić zadavalnieńnie i mužčynam, i žančynam.
Kinazorka vykazała svajo mierkavańnie ŭ dyskusii, jakaja viadziecca ŭžo šmat dziesiacihodździaŭ. Ličycca, što pornafilmy zdymajucca vyklučna dla mužčynskaj aŭdytoryi, a žančynam jany naohuł nie cikavyja.
Uskosna hetaje mierkavańnie paćviardžajuć i dadzienyja statystyki prodažaŭ žanočych eratyčnych časopisaŭ, jakija publikujuć zdymki aholenych mužčyn.
Bolšaść padobnych vydańniaŭ bankrutavali z-za adsutnaści ŭstojlivaha popytu, a tyja, što jašče trymajucca, vyžyvajuć u asnoŭnym za košt pakupnikoŭ mužčyn nietradycyjnaj aryjentacyi.
Ale adna z samych viadomych maładych aktorak Halivudu Skarlet Jochansan adnaznačna na baku tych žančyn, jakija ličać, što porna cikava i žančynam.
Skarlet udzielničała ŭ eratyčnaj fotasiesii dla časopisa Marie Claire, a taksama dała intervju, u jakim vykazała svajo mierkavańnie pa dadzienym pytańni.
«Ja dumaju, što porna, jak i mnohaje inšaje, moža prynosić asałodu i mužčynam, i žančynam, — zajaviła 28- hadovaja Skarlet. — Praŭda, nieabchodna vykonvać peŭnyja abmiežavańni pry jaho prahladzie, kab nie stać achviaraj zaležnaści.
I kali ja daviedajusia, što moj bojfrend hladzić tak šmat porna, jak piersanaž ź filma «Don Džon», dzie ja niadaŭna źniałasia, to heta vykliča ŭ mianie mocnaje ździŭleńnie, biez usialakich sumnieńniaŭ».
Sama Skarlet Jochansan niadaŭna trapiła ŭ seks-skandał. Chakier vyciahnuŭ u jaje z mabilnaha telefona intymnyja zdymki, jakija aktrysa zrabiła pierad lusterkam dla svajho byłoha muža Rajana Rejnaldsa.
