Tryjer pijaryć svoj novy film z dapamohaj skandalnych fotaŭ
Dacki režysior Łars fon Tryjer raździmaje pažar ažyjatažu pierad vychadam svajho novaha filma «Nimfamanka». Dla stužki z takoj nazvaj, niesumnienna, pavinna być padrychtavana adpaviednaja hleba, piša pixanews.com. I hienijalny režysior zastajecca viernym samomu sabie.
Nietradycyjny film, nazvany samim Tryjeram pornadramaj, padajecca nietradycyjnym sposabam. Porcyja ježy dla fantazij i pradčuvańnia vydadziena Tryjeram ŭ vyhladzie 14-ci postaraŭ z fotazdymkami hierojaŭ skandalnaha filma. Aholenyja cieły, skažonyja hrymasaj zadavalnieńnia i straści tvary — nie časta davodzicca ŭbačyć lubimych akcioraŭ ŭ takim rakursie.
«Nimfamanka» — heta historyja eratyčnych pieražyvańniaŭ nimfamanki Džo ad naradžeńnia da piacidziesiacihodździa, raskazanaja ad asoby hałoŭnaj hieraini. Chałodnym zimovym rankam Sielihman, niemałady samotny chałaściak, znachodzić u zavułku Džo — źbituju, u napaŭprytomnym stanie. Davioŭšy žančynu dadomu, jon razhladaje jaje rany i zadajecca pytańniem, jak dajšła jana da takoha žyćcia . Džo raspaviadaje Sielihmanu historyju svajoj nasyčanaj maładości, bahatuju paralelnymi siužetami i niečakanymi adstupleńniami. Premjera pornadramy płanujecca 25 śniežnia.
Bolej fotaŭ hladzicie tut.
