ДАІ папярэджвае пра магчымыя ападкі, з'яўленне туманаў і галалёдзіцы ў выхадныя дні

У сувязі з павышэннем тэмпературы ў выхадныя дні магчыма выпадзенне ападкаў, з’яўленне туманаў і галалёдзіцы. Ужо 17 лютага ў Брэсце, Брэсцкім, Жабінкаўскім, Кобрынскім, Бярозаўскім і Баранавіцкім раёнах уведзены план «Надвор’е» з-за моцных туманаў. Бачнасць у кірунку руху не перавышае 50 метраў. Пра гэта паведамілі ва ўпраўленні Дзяржаўтаінспекцыі МУС Беларусі.

У мэтах арганізацыі бяспекі дарожнага руху на выхадныя ДАІ па ўсёй краіне будзе ўзмоцнена кантраляваць выкананне хуткасных рэжымаў, правілаў праезду пешаходных пераходаў і фізічны стан вадзіцеляў. Асаблівая ўвага будзе нададзена выкарыстанню рамянёў бяспекі. Толькі за мінулыя суткі да адміністрацыйнай адказнасці за ігнараванне абавязковага выкарыстання рамянёў бяспекі прыцягнуты 497 вадзіцеляў.

Спецыяльнае падраздзяленне дарожна-патрульнай службы «Страла» будзе аказваць дапамогу ў арганізацыі бяспекі дарожнага руху падраздзяленням ДАІ Слонімскага, Нясвіжскага, Клецкага і Мінскага раёнаў.

Паводле звестак УДАІ МУС, за мінулыя суткі на дарогах краіны зарэгістравана 306 дарожна-транспартных здарэнняў з матэрыяльным уронам. У сямі ДТЗ адзін чалавек загінуў і шэсць — атрымалі раненні. За кіраванне транспартным сродкам у стане ап’янення затрыманы 75 вадзіцеляў.

Вячаслаў Будкевіч, БелаПАН

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0