Знайсці
11.06.2021 / 19:31

Інтэнсіўныя трэніроўкі могуць павялічыць рызыку хваробы рухальнага нейрона

Але большасць людзей не мае схільнасці да хваробы рухальнага нейрона, таму, папярэджваюць навукоўцы, адмаўляцца ад нагрузкі ўсім запар не варта.

Павялічыць

Фота pixabay.com.

Навукоўцы кажуць, што рэгулярныя і цяжкія фізічныя практыкаванні павялічваюць рызыку хваробы рухальнага нейрона ў генетычна схільных людзей. Але пры гэтым каманда з Шэфілдскага ўніверсітэта, якая правяла гэтае даследаванне, запэўнівае, што без прычыны адмаўляцца ад трэніровак не варта.

Вучоныя спадзяюцца, што новыя даныя дазволяць знайсці людзей, якія больш за іншых рызыкуюць атрымаць хваробу, і даць спецыяльна падабраныя для іх парады, піша ВВС.

Хваробы рухальнага нейрона сустракаюцца прыкладна ў кожнага трохсотага чалавека. Хвароба рухальнага нейрона таксама мае назву бакавы аміятрафічны склероз (БАС), або хвароба маторных нейронаў. Гэта захворванне характарызуецца пашкоджаннем верхніх нейронаў галаўнога мозга з наступным парушэннем іх сувязі са спінным мозгам. Парушаецца перадача сігналаў ад галаўнога мозга да мускулаў, у выніку чалавек губляе здольнасць рухацца, размаўляць і нават дыхаць. У выніку захворвання развіваецца параліч ўсяго цела. Працягласць жыцця таксама можа значна скараціцца.

Навукоўцы дагэтуль дрэнна разумеюць, хто і чаму атрымлівае такую хваробу. Хутчэй за ўсё, прычыны трэба шукаць у генетыцы, а таксама ў навакольным асяроддзі чалавека. Даўно існавала думка, што ёсць сувязь паміж фізічнымі практыкаваннямі і хваробай. 

Цяпер жа навукоўцы ў гэтым упэўненыя. Падчас даследавання высветлілася, што некаторыя з генаў, адказных за хваробу рухальнага нейрона, у адказ на фізічныя практыкаванні пачынаюць дзейнічаць па-іншаму. Прычым, людзі з генетычнай мутацыяй, якая вядзе да хваробы, пачынаюць хварэць ёю ў больш раннім узросце, калі перагружаюць сябе фізічнымі практыкаваннямі.

Навукоўцы ўдакладняюць, што мяжа небяспечнай нагрузкі для такіх людзей — гэта заняткі па 15—30 хвілін з частатой два-тры разы на тыдзень. Але большасць людзей не мае схільнасці да хваробы рухальнага нейрона, таму, папярэджваюць навукоўцы, адмаўляцца ад нагрузкі ўсім запар не варта.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
май чэрвень ліпень
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30