Лаўроў назваў агідным падыход арганізатараў Еўрабачання да Беларусі
Кіраўнік МЗС РФ Сяргей Лаўроў асудзіў рашэнне арганізатараў «Еўрабачання» не дапусціць Беларусь да ўдзелу ў конкурсе, назваўшы іх дзеянні агіднымі, піша ТАСС.
«Гаворачы аб рэвалюцыях, уключаючы культурную, вельмі паказальны конкурс «Еўрабачанне». Тое, што яны цяпер робяць з беларусамі, — гэта агідна. То-бок гэта цэнзура чыстай вады: «Паколькі мы — незразумела якія, нейкія ананімныя людзі — у гэтай песні ўгледжваем нейкія намёкі, мы вас не пускаем, давайце іншую». Даюць іншую песню, і тое ж самае. Ну што гэта за мастацтва, што гэта за культура, што гэта за дэмакратыя?» — сказаў міністр у інтэрв'ю перадачы «Вялікая гульня» на Першым канале.
Па яго словах, падобнае рашэнне арганізатараў «Еўрабачання» з'яўляецца яскравым прыкладам таго, што з сябе цяпер уяўляе еўрапейская культура.
Нагадаем, што 26 сакавіка арганізатары «Еўрабачання» заявілі, што прадстаўленая Беларуссю песня не адпавядае правілам, таму краіна не будзе ўдзельнічаць у конкурсе.
