Пасол Мезенцаў назваў тэрміны пастаўкі расійскай вакцыны ў Беларусь

ТАСС

Пастаўкі расійскай вакцыны ад каранавіруса COVID-19 Беларусі вызначаны на студзень — сакавік. Пра гэта паведаміў у аўторак журналістам пасол Расіі Дзмітрый Мезенцаў, піша ТАСС.

«Некалькі дзён таму, да Новага года, пачалася масавая вакцынацыя грамадзян Беларусі [вакцынай «Спадарожнік V»]. Вызначаныя ў рамках дагавора ўжо пастаўкі вакцыны на студзень — люты — сакавік. Больш за тое, мы чакаем у лютым — сакавіку сумесную вытворчасць вакцыны на тэрыторыі Беларусі», — сказаў расійскі дыпламат.

Мезенцаў выказаў упэўненасць, што прагноз беларускіх уладаў аб вакцынацыі 1,2 млн грамадзян «будзе рэалізаваны ва ўзаемадзеянні з расійскім бокам».

0

0

0

0

0

0