Даслаць навіну
Знайсці
29.07.2020 / 08:36 13

Навукоўцы ствараюць бяспечны звышмагутны рэактар, які дазволіць адмовіцца ад нафты і газу

У даследчым цэнтры Кадараш на поўдні Францыі пачалося будаўніцтва першага ў свеце эксперыментальнага тэрмаядзернага рэактара ІТЭР. Цырымонію адкрыў прэзідэнт Эмануэль Макрон — пад музыку з кінасагі «Зорныя войны», піша bbc.com.

Навукоўцы сур'ёзна называюць ІТЭР штучным сонцам. У вакуумнай камеры памерам з 10-павярховы дом — 30 м у вышыню і столькі ж у дыяметры — плануецца ў прамысловым маштабе прайграць працэс тэрмаядзернага сінтэзу, які сілкуе энергіяй нашу зорку.

У тэорыі тэрмаядзерны сінтэз — невычэрпная крыніца энергіі. Усяго некалькіх грамаў вадароднага паліва дастаткова, каб забяспечыць цяплом і электрычнасцю тысячы дамоў, а «брыкет» памерам з ананас можа замяніць 10 тыс тон вугалю.

Толькі ў адрозненне ад традыцыйных цеплавых або атамных электрастанцый, тэрмаядзерны рэактар не забруджвае атмасферу выкідамі парніковых газаў і не пакідае таксічных радыеактыўных адходаў.

«Мы натхняліся Сусветам і зоркамі, дзе тэрмаядзерны сінтэз стварае энергію на мільярды гадоў наперад», — заявіў генеральны дырэктар ІТЭР Бернар Біга.

Удзельнікі праекта падкрэсліваюць: ІТЭР — эксперыментальны рэактар. Гэта не тэрмаядзерная электрастанцыя, а пляцоўка для беспрэцэдэнтнага фізічнага эксперыменту.

Аднак, калі ўсё пойдзе па вызначаным плане, гэты эксперымент вызначыць будучыню ўсёй энергетыкі на планеце.

ІТЭР — самая маштабная навуковая будоўля ў гісторыі чалавецтва. У эксперыменце бяруць удзел 35 краін: Індыя, Кітай, Расія, ЗША, Паўднёвая Карэя, Японія і краіны ЕС (плюс Вялікабрытанія і Швейцарыя) — гэта 80% усёй сусветнай эканомікі і больш за палову насельніцтва планеты.

Асноўны аб'ём фінансавання (45%) узяў на сябе Еўрасаюз. Астатнія выдаткі краіны-ўдзельніцы дзеляць пароўну.

Палівам рэактара служаць дзве разнавіднасці вадароду (іх называюць ізатопы) — дэйтэрый і трытый. У адрозненне ад нафты, газу і ўранавай руды, запасы і таго і іншага практычна не абмежаваныя: адзін у прамысловых маштабах здабываецца з вады Сусветнага акіяна, другі — з літыю, у выніку досыць нескладанай рэакцыі.

Але галоўнае адрозненне, па словах навукоўцаў, гэта абсалютная бяспека тэрмаядзернага рэактара, паколькі там папросту няма чаму выбухаць.

NN.by

Хочаш падзяліцца важнай інфармацыяй
ананімна і канфідэнцыйна?

7
Andrei / адказаць
29.07.2020 / 10:48
НАША НИВА: это реактор строят уже 20 лет!! Что-то вы напутали.

6
Казік / адказаць
29.07.2020 / 12:48
Тэрмаядзерны сінтэз намагаюцца запусціць ужо год 70, і топчуцца амаль на месцы. Імхо, гэта такая рэч, як і моцны штучны інтэллект: здавалася б, дробныя крокі ёсць, і вось-вось штосьці запрацуе, але праз дзясяткі год разумееш, што сітуацыя не змяняецца.
2
партисаниваноф / адказаць
31.07.2020 / 12:50
Рассия и зша удзельничаюць у праграмме, што дазволиць адмовицца ад ужывання углевадародау???? Угу - пчолы супраць меду- вось як гэта нахываецца. Я думаю пакуль яны там будуць "удзельничаць" - ничога не атрымаецца. Ци " атрымаецца" нешта такое што заставиць адмовицца ад делейшых распрацовак.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31