Даслаць навіну
Знайсці
19.05.2020 / 16:34 44

Ярмошына: Кандыдатка хацела плюнуць у маю прыёмную, каб заразіць каранавірусам

Падчас пасяджэння Цэнтрвыбаркама Лідзія Ярмошына паскардзілася на паводзіны адной з прэтэндэнтак на пасаду прэзідэнта. Маўляў, тая хварэе на каранавірус і спрабавала заразіць работнікаў ЦВК.

«У складзе групы (прыхільнікаў Статкевіча — «НН») быў чалавек, у якога станоўчы тэст на каранавірус. І ёй пра гэта вядома! Яна некалькі разоў прыязджала сюды. Больш за тое, яна патрабавала асаблівыя ўмовы, каб у яе дакументы прымалі ў кабінеце. Напэўна, хацелася плюнуць у маю прыёмную, каб ужо заразіць назаўжды. Калі яе ўсё ж такі змаглі ізаляваць і пасадзіць на каранцін, вы ведаеце, каго яна назвала кантактам першага ўзроўню? Чалавека, які прымаў у яе дакументы, нашага галоўнага юрыста Галіну Васільеўну (Галіна Мкртчан — «НН»). Для таго каб проста вывесці з працаздольнага стану ўвесь апарат. Вось метады працы гэтай групы!» — абурылася Ярмошына.

Найхутчэй, гаворка вядзецца пра прэтэндэнтку Алену Давыдаву. Гэта прыхільніца Міколы Статкевіча — прадстаўніца руху «жывых людзей». Яна і яе паплечнікі лічаць сябе грамадзянамі БССР і даводзяць, што Савецкі Саюз не распаўся.

Павялічыць

Алена Давыдава, фота «Белсата»

Пры рэгістрацыі дакументаў у ЦВК Давыдава пазначыла сябе як эпідэміёлага Гомельскага абласнога цэнтра гігіены, эпідэміялогіі і грамадскага здароўя, а таксама фельчара гомельскай хуткай дапамогі.

Гісторыя з «хваробай» дзіўная. Начальства патлумачыла Давыдавай, што яна павінна самаізалявацца як кантакт першага ўзроўню. Маўляў, брыгада, у якую яна ўваходзіла, кантактавала з хворым на каранавірус. Сама Давыдава мяркуе, што на яе аказваецца палітычны ціск. Ад каментароў «Нашай Ніве» Давыдава адмовілася.

Чытайце таксама: «Жывыя чалавекі», яны ж адэпты БССР, ідуць на парламенцкія выбары па Гомелі

БЮ

Хочаш падзяліцца важнай інфармацыяй
ананімна і канфідэнцыйна?

0
Вясковы Лірнік / адказаць
20.05.2020 / 14:35
Кажуць,што гэтая зараза на мозг таксама уздзейнічае. Па назве артыкулу падобна -некаторыя асобы перахварэлі на самоце гадоў дваццаць таму.
0
алесь менски / адказаць
20.05.2020 / 21:31
[Рэд. Выдалена]
0
алесь менски / адказаць
22.05.2020 / 22:10
Жалко, что не плюнула...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30