Расійскі мільярдэр скончыў жыццё самагубствам

Расійскі мільярдэр, уладальнік кампаній «Сібантрацыт» і «Усходвугаль» Дзмітрый Босаў наклаў на сябе рукі, паведамляе РБК.

Бізнэсмен скончыў жыццё самагубствам у ноч на сераду, 6 мая, на лецішчы ў падмаскоўным пасёлку Усава.

Дзмітрый Босаў з'яўляўся найбуйнейшым акцыянерам кампаній «Усходвугаль» і «Сібантрацыт».

«Сібантрацыт» з'яўляецца сусветным лідарам па здабычы і экспарце антрацыту, а таксама найбуйнейшым у Расіі вытворцам металургічных вуглёў.

Па стане на 2020 год Босаў займаў 86-е месца ў расійскім рэйтынгу Forbes. У яго было 1,1 мільярда даляраў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0