Афіцыйная інфармацыя. У Віцебскай вобласці за суткі — пяць выпадкаў каранавіруса. Памерлых няма

Раніцай 5 красавіка адбылося пасяджэнне абласнога штаба па барацьбе з распаўсюджваннем COVID-19 на чале са старшынёй аблвыканкама Мікалаем Шарстнёвым. Намеснік начальніка галоўнага ўпраўлення па ахове здароўя аблвыканкама Мікалай Каспіровіч агучыў сітуацыю за мінулыя суткі, пішуць «Віцьбічы».

«Сітуацыя досыць сур'ёзная, — сказаў ён. — Па Віцебскай вобласці адзначаецца рост захворвання на ВРВІ на 16,4 працэнта, па горадзе Віцебску — на 27,6 адсотка, па Наваполацку — на 28 працэнтаў. Ёсць населеныя пункты і гарады, па якіх адзначаецца зніжэнне. За мінулыя суткі зарэгістравана 5 новых выпадкаў каранавіруснай інфекцыі, якія атрымалі пацверджанне. Ёсць аналізы, якія знаходзяцца ў рабоце. За мінулыя суткі памерлых ад COVID-19 няма».

0

0

0

0

0

0