Брытанскі прэм'ер не адмовіўся ад поціскаў рукі праз каранавірус

Прэм'ер-міністр Вялікабрытаніі Борыс Джонсан заявіў, што не адмаўляўся ад поціскаў рукі на сустрэчы з хворымі на каранавірус SARS-CoV-2, паведамляе Newsweek.

«Я быў у шпіталі, дзе, здаецца, было некалькі пацыентаў з каранавірусам, і паціскаў усім рукі, і працягваю паціскаць рукі», — распавёў Джонсан. Ён дадаў, што кожнаму варта самастойна вырашаць, ці адмаўляцца альбо не ад такога спосабу прывітання, але навуковыя даныя кажуць пра тое, што ключавы спосаб аховы — рэгулярна мыць рукі.

Нагадаем, раней прэзідэнт Францыі Эманюэль Макрон адмовіўся паціскаць руку пры сустрэчы і развітанні ў рамках праграмы абароны ад віруса, а міністр унутраных спраў Германіі Хорст Зеехофер не стаў ціснуць руку канцлеру Германіі Ангеле Меркель.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0