Даслаць навіну
Знайсці
28.02.2020 / 09:14 19

Сімптомы, перасцярогі, правілы паводзін. Каранавірус у Беларусі

Павялічыць

фота Dmytro Sheremeta, Shutterstock.com

1. Сімптомы Covid-19: у чым розніца ад грыпу.

Каранавірус-2019 распаўсюджваецца падобна да грыпу, і яго сімптомы падобныя да сімптомаў грыпу. Гарачка, боль у горле, слабасць, боль у галаве… Два асаблівыя сімптомы новага каранавіруса ў яго цяжкіх выпадках — гэта сухі кашаль і задышка.

2. Чаму да каранавіруса-2019 нельга ставіцца несур'ёзна?

Чаму краіны прымаюць такія рашучыя захады перасцярогі? Таму што ён часта выклікае моцную пнеўманію, якая хутка развіваецца. Ад ускладненняў у выніку звычайнага грыпу памірае прыкладна 0,13% усіх хворых, смяротнасць ад каранавіруса складае на сёння (пакуль няма спецыфічных сродкаў лекавання) ад 2 да 3 %, амаль у 20 разоў больш.

3. Устрымайцеся ад паездак у гарады, дзе адбыліся ўспышкі каранавіруса

На сёння гэта Ухань у Кітаі, Тэгу ў Паўднёвай Карэі, паўночная Італія, Кум і Тэгеран у Іране.

Павялічыць

Фота Rodrigo Reyes Marin, Shutterstock.com

4. Калі вы ў горадзе, дзе распаўсюджваецца інфекцыя, то

мінімізуйце паездкі на грамадскім транспарце, паходы на канцэрты, у царкву і так далей.

5. Ці ад каранавіруса ратуюць маскі?

Калі вы сутыкаецеся з хворымі, то абавязкова. Але на вуліцах імі карыстацца неабавязкова. Проста старайцеся часцей мыць рукі, не трыце вочы, калі вы ў аўтобусе, не калупайцеся ў носе пасля паціскання рукі з незнаёмым, не давайце дзецям лізаць парэнчы ў метро.

6. Ніякага псіхозу і панікі. Вірус лёгка спыняюць звычайныя каранцінныя меры.

Ва ўсіх краінах звычайныя захады ізаляцыі і каранціну спынілі распаўсюд віруса. Тое самае будзе і ў нас, нават калі вірус дойдзе да Беларусі.

7. Аберагайце старэйшых.

Смяротнасць ад Covid-19 мінімальная ў хворых да 50 гадоў. Дзеці пераносяць каранавірус лёгка, цяжка ён працякае толькі ў людзей з паніжаным імунітэтам, хранічнымі хваробамі. Смяротнасць у людзей ва ўзросце 70-80 гадоў — каля 8%, у старых ад 80 гадоў — каля 15 %. Гэта значыць, калі каранавірус прыйдзе, пастарайцеся аберагчы вашых бабуляў і дзядуляў. Вызваліце іх ад паходаў у краму і г.д.

8. Калі скончыцца?

А вось гэта цяжка прадказаць. Вірусолагі схільныя лічыць, што, як і грып, Covid-19 — зараза сезонная, а з надыходам веснавога цяпла знікне, але гэта не пэўна.

Акрамя таго, ужо вядома, што яго мутацыйнасць у 10 разоў вышэйшая, чым у атыповай пнеўманіі 2002-2003 гадоў. У кожным пакаленні яго генетычны код мяняе, умоўна кажучы, 1 літару з 1000. Гэта азначае, што ён можа стаць як больш небяспечным, так і менш небяспечным, як больш заразным, так і менш заразным.

Вакцына ад яго ўжо тэсціруецца, і за пару месяцаў яе можна будзе выкарыстоўваць, але таксама ж усіх адразу не вакцынуеш, дый павышаная мутацыйнасць можа адбіцца на эфектыўнасці вакцыны.

Але, паўторымся, усё пакуль паказвае на тое, што да красавіка-мая вірус мае спыніцца.

9. Скуль у Еўропе цягнуцца нітачкі?

Не ўдалося знайсці таго «пацыента 0», які прывёз вірус з Кітая ў Італію, але большасць новых заражэнняў у Еўропе звязаныя з плямай у Італіі, а канкрэтней, у Ламбардыі (раён Мілан, Брэша) і Венецыі (раён Падуі — той самай, скарынаўскай). Вірус у іншыя краіны прывезлі італьянскія турысты або падарожнікі, што вярнуліся з рэгіёна Мілана.

Раёны распаўсюджвання заразы ізалююць на каранцін. Гатэлі, дзе выяўляюць хворых, таксама змяшчаюць на каранцін. Людзям давядзецца прасядзець там два тыдні.

Аднак краіны Еўрасаюза не лічаць патрэбным закрываць межы, бо шкода эканоміцы можа быць большай, чым шкода ад эпідэміі.

У Беларусі першы хворы — гэта студэнт з Ірана, які прыбыў у Мінск рэйсам з Баку 22 лютага. Вірус у яго быў выяўлены 27 лютага. Студэнт і кола яго кантактаў ізаляваныя ў інфекцыёнцы.

Сяргей Гезгала

Хочаш падзяліцца важнай інфармацыяй
ананімна і канфідэнцыйна?

4
Таки вот / адказаць
28.02.2020 / 15:31
ОН все маски отправлял в Китай. Самолетами. На свой народ ему наплевать. Я правильно понимаю? 
6
Літовец / адказаць
29.02.2020 / 16:04
Ліцьвін металіст, дык навошта вы набываеце тавары ў бізнэсоўцаў у крамах?
Жывіце натуральнай гаспадаркай. 
0
Максим Дизайнер / адказаць
02.03.2020 / 12:22
Партизан,
От идиотизма маски не помогают.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
май чэрвень ліпень
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30